منتديات حـــلا السعــــوديه



    قصة مطارده بين بنات وشباب في الرياض..قصه واقعيه..

    شاطر
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    قصة مطارده بين بنات وشباب في الرياض..قصه واقعيه..

    مُساهمة من طرف حلا السعوديه في السبت سبتمبر 27, 2008 6:10 pm

    كيفكم ان شاء الله مبسوطين

    عنـدي لكمم قصــة والله تضيق الصدر و تبكي

    بس ماحصلت لي الحمد لله

    اخليكم مع احداااااث القصه وهي تقول :

    في مره من المراريت
    كنت قاعده بغرفتي ومشغله المسجل بصوت عالي شوي
    حسيت فجأه كأن في الحان غريبه اول مره اسمعها في الأغنيه
    كانت على شكل أأأأأأأأأ بشكل متقطع<---------بصراحه خفت شوي احسب جني دخل جوى المسجل
    نقزت من مكاني وقعدت اتامل في المسجل والسماعات ووقفت الشريط
    ايه الحمد الله الصوت مهوب من المسجل الصوت من البيت في احد يصارخ
    مدري وش السالفه نزلت تحت وانا مرتاعه ...الصوت من المجلس
    دخلت ولقيت اختي وصديقتها...صديقتها تصارخ وتصيح منفعله ..
    اسمعوا وش صار معها مسيكينه
    البنت طلعت من بيتهم الساعه 6 المغرب جايه لبيتنا
    وهي بالطريق وقفت عند قهوه
    المهم وقف جمبها جمس شباب مليااااااااااان فوق بعض زحمه وكلهم متلثمين <--------- يمه الله لا يلومهااااا
    ومشغلين اغاني بصوت عالي ويرقصون <------- اللهم سكنهم في مساكنهمم
    ملاحظه :السالفه قبل ما يسمحون بتضليل السيارات ....يعني التضليل نعمه الحين نروح ونرجع ما يدرون السياره فيها احد والا لا ..
    نرجع لموضوعنا
    البنت مره ارتاعت هي وشغالتهم وقامت تتشهد
    صارت الدقايق عندها ساعات
    عقب شوي جاء السواق ركب السياره يسئلها ايش تبين
    وقالت له بسررررررعه رح لبيت ( نوره) بلا قهوه بلا هم ورانا شباب ضيعهم
    السواق شخط ذيك الشخطه ما تشوف الا غباره والجمس حق الشباب اللي شخطوا وراه
    البنت مخلصه بضمير مسيكينه مارضت تجي لبيتنا وهم وراها ..الا غصب تضيعهم
    قامت مسيكينه تدور بالشوارع والمهبل اللي وراها ياما ارتزوا يمينها ويسارها يرقصون ويرفعون حواجبهم
    جت الساعه 7 وربع والبنت ما جتنا دقت عليها اختي قالت وينك تأخرتي كل هذا طريق
    قالت لها انها بالطريق يلحقونها شباب ولا تدري وش تسوي <--------تبكي
    البنت مع الروعه تعطل التفكير عندها قالت لها اختي دقي على اخوانك احد فيهم يفزع لك
    المهم البنت ماعندها وقت سكرت السماعه بوجه اختي ودقت على اخوانها البنت تدق تدق ولا لمك احد مافيه امل
    كلمت اختي قالت مايردووووووون
    قالت اختي قلعتهم بس تعالي بيتنا لا يصير شي ...الشباب مهبل هاليومين
    البنت توكلت وقالت مافيها الا اروح بيتهم .. وجت لنا
    اللي محيرها انهم حريفين بضمير ما يتضيعون وش ما سوت لقتهم في وجهها جمبها وراها فوقها..
    المهم وهي عند الاشاره اللي عند بيتنا
    حدوها الشباب ونزلوا وقاموا يرقصون ويستهبلون ويستعرضون... وجاء واحد فيهم
    وقرب من السياره يطق الشباك ويأشر افتحي الباب
    السواق عصب ونزل عليه جروه الشباب ورى السياره واخذوا المفتاح
    البنت قامت نزلت محل الرجول وقامت تصيح هي والشغاله ويتلامون ويتشهدون
    فتح الولد الباب اللي ورى يوم شاف البنت مات ضحك
    ركب السياره وقعد جمبها ومسك راسها وفك لثامه
    البنت طالعت فيه وتترجاه وتصيييييح وتذكره انه حرام عليه وتحاول من هنا من هناك ترده
    بس الولد بعالم ثاني بس يضحك














    انزلوووووا قليلا يا فلزززات اكبادي

























    واخرى








    لوووووووول لا تعصصصبون
    البنت يوم تأملت فيه زين ..قالت مهيب غريبه علي هالخشه















    طلع اخواها وعيال عمانها يستهبلون عليها
    البنت عـقب ما كانت خايفه
    صارت تطارد ورى اخوها عند الاشاره وتسب وتهاوش
    وهو يضحك ويقولها خفتي ياحليلس
    وليومك هذا وهو يذكرها بالسالفه
    ويلقبها بالذروق (الخوّافه يعني للي ثقافتهم يوناينه )
    مسكينه من جد اخوها ماله داعي يقهر
    يقول المثل اهل العقول براحه تامه والله
    بس تصدقون عاد اخوها دمه خفيف مره مثل عَقله بالضبط


    وش رايك بهذا المزح ؟؟؟ حلو صح

    ههههههههههههههههه


    _________________


    ايميلي المنتدى لضروره والشكاوي والاقتراحات فقط....halaksa98@hotmail.com[/b]
    avatar
    هلالي حتى الموت

    !!..مــرآقب عـآم..!!


    !!..مــرآقب عـآم..!!

    عدد الرسائل : 2215
    الموقع : http://ajh777.yoo7.com/index.htm
      :
    المهنه :
    هوايتي :
    تاريخ التسجيل : 30/07/2008

    رد: قصة مطارده بين بنات وشباب في الرياض..قصه واقعيه..

    مُساهمة من طرف هلالي حتى الموت في السبت سبتمبر 27, 2008 10:58 pm

    ههههههههههههه

    مشكورررررررررررره

    حلا عالقصة

    الله يعطيك العافية


    _________________
    avatar
    حمووودي
    !!..حــلا VIP..!!
    !!..حــلا VIP..!!

    عدد الرسائل : 220
      :
    المهنه :
    هوايتي :
    تاريخ التسجيل : 27/09/2008

    رد: قصة مطارده بين بنات وشباب في الرياض..قصه واقعيه..

    مُساهمة من طرف حمووودي في الخميس أكتوبر 23, 2008 4:21 am

    يسلمووووووووووووووووووووووووووووووووووووووووووووووووو على القصه حلا الله يعطيك العفيه؟؟؟؟

      الوقت/التاريخ الآن هو الخميس أكتوبر 18, 2018 3:58 am