منتديات حـــلا السعــــوديه



    قصه من بين كل الناس حبيتك

    شاطر
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    قصه من بين كل الناس حبيتك

    مُساهمة من طرف حلا السعوديه في الثلاثاء يوليو 29, 2008 4:16 pm

    *& من بين الناس حبيتك (قصة سعودية) من أجزاء &*
    ***إليكــــم القصــــــة***

    شخصيات القصة** عائلة محمد (أبو سارة) وزوجته دلال (أم سارة) وعندهم بنتين: سارة (21سنة) وسمر (16 سنة) .......
    ** عائلة عبد الله (أبو بندر) وزوجته منى (أم بندر) ولهم من الأبناء: بندر(31سنة) متزوج بنت عمه مها وعنده رامي ورائد ورنا وريم
    (نرجع لعيال أبو بندر) عندهم بدر (28سنة) ونايف(24سنة)
    ونوف(21سنة) ونور(17سنة) وآخر العنقود نواف.........
    ** عائلة عبدا لعزيز (أبو يوسف) وزوجته أم يوسف وعندهم يوسف(29سنة) ومها زوجة بندر وعمرها (27سنة) وماجد(23سنة) ومي(20سنة) ومازن........
    ** عائلة محمد (أبوسامي) وزوجته أم سامي وأولادهم سامي(27سنة) وسامية(25سنة) متزوجة وعندها بنت... وخلود( 22سنة) وعبد الرحمن وعهود........

    &&& الجزء الأول &&&
    ......... في الجامعة ..........
    سارة: الووا نوف وجع يوجعك وينك أنا انتظرك لي ساعة؟
    نوف: ايش فيكي تصارخين الناس تقول سلام مو تصارخ
    سارة: سلام وينك لين الحين لا تقولي نايمة
    نوف:وعليكم السلام منو قالك إني نايمة خلاص الحين بجي
    سارة: يالله باااااااااااي انتظرك لا تتأخري
    نوف: اوكي بااااااااااااااااي
    (نوف وسارة صديقات من يوم كانو صغار وهم كانوا جيران بس أهل نوف نقلوا من بيتهم وسكنوا في فيلا كبيرة بعد ما زادت ثروة أبو نوف وصارت شركته كبيرة....... وأهل سارة ظلو مثل ماهم في بيتهم)
    نرجع للجامعة:
    سارة قاعدة وتفكر في حالها الين متى وهي شايله في صدرها حبها (سارة تحب بدر أخو نوف من كانت صغيرة بس محد يدري عن اللي في قلبها إلا نوف (صحبات كل أسرارهم عند بعض)
    وسارة وهي سر حانة تطب عليها نوف
    نوف: هوووووووووووووووووب
    سارة: وجع الله يرجك فجعتيني
    نوف وهي تغمز بعينها :اللي ماخذ عقلك يتهنابه
    سارة: والله انك فاضية إلا أقول بسرعة الحين قوليلي ايش أخرك
    نوف:اوففف تذكري لمن قولت لك في ناس بيخطبوني
    سارة: ايوه
    نوف: حزري مين طلع خاطبني
    سارة: قولي مين
    نوف: لا حزري
    سارة: وجع قولي ياثقل دمك
    نوف: هييه ايش فيك انتي...... المهم اللي خاطبني يوسف
    سارة: يوسف ما غيره
    نوف: ايوه هذا اللي ناقص والله لوبقي آخر واحد في الدنيا مأخذه
    (نوف ما تطيق يوسف ولد عمها من هم صغار لأنه دايما كان يجاكرها وهي صغيرة وكرهها له استمر حتى لمن كبرت غير انه يوسف يسافر كثير وهي دائما تشك في سفرياته)
    سارة: الله يعينك وايش بتسوي
    نوف: والله ماادري أمس ماجاني نوم تصدقي ناداني أبويه وقالي السالفة ويوم قلتله ماابغى أتزوج قالي ما تبغي تتزوجي ولا ما تبغي يوسف
    سارة: إيه ايش قولتي
    نوف: والله ما عرفت أجاوب وتميت ساكتة بعدين أبويه صارخ عليه قلت في قلبي خليني أقوله الحقيقة وقلتله لا ماابغى يوسف مااحبه
    سارة:يويويويويو قوية والله .....وايش قالك ابوكي
    نوف: يا ويلي يا سارة قام يصارخ ويقول مالك إلا ولد عمك والله يا سارة من أمس وانا متضايقة أخاف يغصبني عليه
    سارة: طيب حاولي قولي لامك أو لإخوانك
    نوف: والله أمي مالها شور بعد أبويه وأخواني بندر مابيقول لا تعرفين يوسف اخو مرته مها وهو يحبهم وبدر مسافر ومايندرى متى يرجع
    وهنا تذكرت سارة بدر وقالت في نفسها وينك يا بدر الكل محتاجك
    نوف: هييي سارة وين رحتي
    سارة: ها معاكي أفكر بمشكلتك
    نوف: خلاص ياشيخة خليها على الله ربك كريم والحين خلينا نروح المحاضرة
    سارة: إيه يالله اتاخرنا


    ............ في الظهر في بيت أبو سارة ............
    أم سارة: سارة سمر وينكم تعالوا اتغدوا
    سارة: طيب ياامي جايين
    أبو سارة: هلا والله ببناتي تعالوا عشان تفتحوا نفسي على الأكل
    أم سارة: وليه أنا ما انفع
    سمر: بدت الغيرة انتي خلاص كبرتي راحت عليكي
    وتضربها أمها ضرب خفيف: وجع ومن زينكم انتووا
    أبو سارة: انتي الخير والبركة والله لو انتي مو موجوده مابناكل
    سمر: أبويه أشوف غيرت كلامك والله ما عندك سالفة
    سارة: سمر خلاص ايشفيكي على أمي
    أم سارة وتضم سارة: يا زينها بنتي الحنونة
    سمر: مالي حتى أنا ضميني ولا بس سارة وانا كخة
    أبو سارة : الله يخليكم لي ولامكم ونشوف عيالكم قبل ما نموت
    سارة وسمر بوقت واحد: الله يطول في عمركم
    (أبو سارة يحب عائلته ويعمل المستحيل عشان يكونوا سعيدين هم صح حالتهم المادية مو ذيك المرة مثل عائلة أبو بندر لأنه أبو سارة يشتغل عند أبو بندر بعد ما الشركة اللي كان يشتغل فيها أبو سارة قفلت فقال أبو بندر لابو سارة تعال اشتغل معي لأنهم هم زي الأخوان وعائلة أبو بندر تحب عائلة أبو سارة كثيييييير(يحقلهم كانوا جيران إلا كأنهم أقارب) وأبو سارة قد ما يقدر ما يقصر مع أهله.............
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    رد: قصه من بين كل الناس حبيتك

    مُساهمة من طرف حلا السعوديه في الثلاثاء يوليو 29, 2008 4:17 pm

    &&& الجزء الثاني &&&
    سارة في غرفتها وقاعدة تقرأ في دفتر مذكراتها اللي فيه ذكريات الطفولة والشباب وتفكر في بدر اللي سافر يدرس في أمريكا (إدارة أعمال) ومابقيله شيء ويرد السعودية ورغم انه بدر سافر وسارة صغيرة كان عمرها 12 سنة إلا إنها خلال الست سنوات اللي فاتت ما قدرت تنسى بدر وبالعكس كل يوم يزداد حبها له (بدر يجي للسعودية كل بعد فترة بس ماكان يطول ومسكينة سارة ما تلحق تشوفه)
    سارة في نفسها: آآآآآآه يا بدر وينك متى ترجع ويا ترى انت ناسيني
    تضحك سارة على نفسها بيفتكرك ليه انتي تعنيله شيء انتي في نظرة مجرد طفلة هنا سارة ما قدرت تتحمل وصارت تبكي على الأيام والسنين اللي فاتت ........ سارة بنت جميلة وناعمة بوجهها الأبيض وعيونها العسلية الفاتحة وشعرها الأسود الناعم (يعني بصراحة هي حلوووووووووووة) كل من يشوفها تدخل قلبه على طول فيها جاذبية لا تقاوم وتقدموا لها خطاب كثير بس هي ترفض عندها أمل انه بيجي يوم ويخطبها بدر .........

    .............. نروح لبيت أبو بندر...............

    التلفون يرن
    أم بندر: ياهوووووو أحد يرد على التليفون
    نور: طيب طيب
    نور: الووووووووو
    ......: الووووو
    نور: مين
    ......: أحمد أمين ههههههههه
    نور: والله تتمسخر حضرتك
    .......: ههههههههههههههههههههه نور
    نور في نفسها وي من هذا اللي يعرف اسمي
    نور: أيوه مين
    ........: يالهبلة أنا بدر ماعرفتيني
    نور: بدر أمي لحقي بدر بدر
    بدر: كيف حالكم والله وحشتوني
    نور: والله وانت أكثر وينك من زمان ماشوفناك
    بدر: والله الدراسة ماخذة كل وقتي بس هانت خلاص أنا بجي
    نور: أمي أمي بدر بيجي
    أم بنر صارت تجري من يوم سمعت كلام بنتها وتأخذ السماعة من نور
    أم بندر: الوووووووو بدر حبيبي كيف حالك
    بدر: هلا يالغالية الحمد لله أنا بخير انتي كيفك وأبويه وأخواني
    أم بندر: كلهم بخير....... صح انت بترجع
    بدر: أيوه ياأمي أنا حجزت بعد 3أيام باجيكم
    أمبندر: توصل بالسلامة حبيبي
    بدر: يلا ياأمي أشوفك على خير
    أم بندر: فمان الله حبيبي انتبه على نفسك
    بدر: انشاءالله وسلمي على أبويه وأخواني
    أم بندر: يوصل مع السلامة
    بدر: مع السلامة

    ......... في بيت سارة .............
    أم سارة: سارة ايش قولتي
    سارة:...........
    أم سارة: ساررررررررة
    سارة: ها أمي
    أم سارة: ها ايش قلتي ايش نرد عليهم ترى الرجال ماينعاب
    سارة: والله ياأمي أنا ماأبغلى أتزوج أبغى أكمل دراستي
    أم سارة : مافي مشكلة أبوك بيقلهم انا الزوج بعد ماتخلصي دراستك
    سارة محتارة ياربي ايش اقول لامي ماتدري إني ماابي أتزوج الا بدر ياربببببببببي ايش أسوي
    سارة : ياامي انا مابي اتزوج لاتغصبوني
    ولا شعوريا صارت سارة تبكي
    أم سارة : سارة حبيبيتي لا تبكي خلاص بنقولهم البنت ماتبغى تتزوج بس انتي لاتكدري نفسك . وقامت تحضنها وسارة ماصدقت خبر على طول ارتاحت في حضن امها وصارت تبكي أكثر وأكثر على حبها
    أم سارة في قلبها ياويلي عليكي يابنتي ماادري ايش صابك كل ماجالك عريس ترفضي والله شكلها بنتي حاطة احد ببالها
    أم سارة : خلاص حبيبتي قطعتي قلبي
    سارة وهي تمسح دموعها : أمي حبيبيتي لاتزعلي مني انت وأبويه والله اني احبكم ماابغى ازعلكم
    وجاهم صوت من وراهم : من قال تزعلينا احنا برضو مانرضى نغصبك
    أم سارة : تعال قولها ياأبو سارة هي ماتدري غلاتها عندنا
    تقوم سارة لأبوها وتبوس رأسه وتحضنه : والله عارفة ياأبويه انكم تحبوني عسى ربي يخليكم لي ولا يحرمني منكم
    أبو سارة : آمين انشاءالله وإذا على العريس الحين تعالي معي وقدامك باقول لأبو العريس ردك
    وتقوم سارة مع أمها وأبوها وهي فرحانة لتفهمهم الموضوع ويقوم أبوها قدامها يدق على أبو محمد ويبلغه أن البنت ماتبي تتزوج ( هذا سابع عريس ترفضه سارة كله عشان بـــــــدر)


    ......... نرجع لبيت أبو بندر ...........
    نوف : خليني أدق على سارة وحشتني
    نوف : الوووووووووووو
    سارة : الوو
    نوف : بسم الله ايش فيك بدون نفس الالوو حقتك ماادري من وين طالعة
    سارة : آآآآآآه يانوف ماادري ايش اقولك
    نوف وهي مفجوعة : ايش بك خير حبيبتي
    سارة : جاني خطيب
    نوف : والللللللللللللللللله مبرووووووووووك
    سارة : أي مبروك أنا ماابغى اتزوج
    نوف : سارة حبيبتي الظاهر انا وانتي ماحنتزوج
    سارة : أحسن بدري على الغلبة
    نوف : يعني افهم من كلامك انك ماوافقتي
    سارة : ايوه الحمدلله واهلي طلعوا متفهمين وماالحوا عليه
    نوف : ايوه احمدي ربك مو مثل أبويه يغصبني على شيء ماابغاه
    سارة : يالله الله يهديه انشاءالله
    نوف : آآآمين 0000 اقول سارة يالله باااااااي أمي تزهمني
    سارة : خلاص مع السلامة
    نوف : مع السلامة
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    رد: قصه من بين كل الناس حبيتك

    مُساهمة من طرف حلا السعوديه في الثلاثاء يوليو 29, 2008 4:18 pm

    &&& الجزء الثالث &&&
    ........ في الجامعة .........
    نوف مع صديقاتها قاعدين يسولفون ويضحكوا بصوت عالي
    مها: ياحليلك يانوف من زمان على سوالفك الحلوة
    نوف : لاياشيخة شايفتني مسافرة ورديت
    ريم : صادقة مها ماادري ايش فيكم انتي وسارة ماتنشافون ودمكم صاير ثقيل0000 وضحكوا البنات على كلام ريم واشوي وتجيهم سارة
    سارة : ماشاءالله الله يفرحكم دوووووووم
    نوف : يالخبلة ياسارة تدعيلهم وهم يضحكوا عليكي
    سارة : ايش فيا عشان يضحكوا عليه
    نوف : يقولوا انتي وسارة دمكم ثقييييييييل
    ريم : أي والله كانه كتشب
    وكل البنات ضحكوا على كلمة ريم من ضمنهم نوف وسارة
    سارة : الله يرجكم 0000 اقول ماعندكم محاضرات
    مها: والله أنا عندي بررررريك ساعتين
    ريم : وانا خلاص باقيلي نص ساعة وتبدأ محاضرتي يالله باروح بباااااااااي
    البنات : باااااااايوو
    ريم : يلا يافاطمة وندى قوموا
    ويروحوا البنات لمحاضرتهم ومايبقى الا مها ومعاها صحباتها وكمان نوف وسارة
    نوف : يلا سارة خلينا نروح المحاضرة
    سارة يلا بااااااااااااااااي مها
    ويمشوا نوف وسارة
    نوف : الا اقول ساااااارة عندي لكي خبر بمليون ريال
    سارة : والله قولي
    نوف : طيب وين المليون
    سارة : وجع مالت عليكي لاتقولي باااااايخة
    نوف : لاوالله باقول بس حزري الخبر عن مين
    سارة : وجع قولي مالي خلق احزر
    نوف : خلاص اكلتيني باقول الحبايب بيرجعوا
    سارة : ايش تقولي انا ماني فاهمة
    نوف : ياهووووووو امريكا
    سارة : أيه امريكا قولي والله (ماشاءالله على طول فهمتها سارة)
    نوف : والله امس دق وكلمته امي وقال بيجي بعد ثلاثة ايام
    وسارة من الفرحة ماقدرت رجولها تشيلها وعلى طول جلست على اقرب كرسي وقلبها وماادراك ماقلبها والله انه صار يرقع رقع
    سارة في نفسها اخيرا يابدررررر بترجع يارب اشوفك مو مثل كل مرة
    سارة : الا اقول نوف هوبيقعد ولا بيرجع ثاني
    نوف : لا خلاص هو خلص دراسته وبيرد على طول وحتى أمس سمعت أبويه يقول لامي خلاص دحين يجي يساعدني في الشركة
    سارة وهي تفكر الحمدلله ياربي بيرجع ماادري كيف بدر شكله مثل ماهو ولا تغير( بدر وسيم ابيض بس مو زي بياض سارة بدر طويل وجسمه رشيق ) يعني بالعربي جذاااااااااب
    نوف: هيييييه سارة وينك
    سارة:0000000
    نوف: سارررررررررررررة
    سارة: ها ايش فيكي
    نوف: وينك هذا كله تفكير بالحبايب
    سارة: نوف بدر تغير ولا زي ماهو
    نوف: حبيبتي بدر زي ماهو زي القمر
    وتموا سارة ونوف على سوالفهم وضحكهم لين لمن وصلوا القاعة اللي فيها محاضرتهم...........

    .......... في بيت أبو يوسف............
    أبو يوسف: تدرون مين بيرجع من السفر
    كلهم: مييييييييييييييييين
    أبو يوسف: بدر بيرجع
    مي عالطول رخت راسها وصارت تفكر...... ياربي بيرجع بدر أخيرا
    مي تحب بدر بس محد يدري عنها (ياحليله بدر البنات يحبونه)
    أم يوسف: والله زين انه بيرد مسكينه امه دائم تحاتيه
    مي: ومتى بيرجع يابابا
    أبو يوسف يمكن بعد يومين أو 3 أيام ويقول أبو بندر إنهم بيسووا حفلة لبدر
    مازن:ياسلام حفلة نبغى نروح
    مي بدلع : أكيييييييييييد ياحبيبي بنروح
    مي كل تفكيرها إنها كيف تشبك بدر وتخليه يتعلق فيها..........
    أبو يوسف: وانشاء الله بعد الحفلة بيروح يوسف يشوف نوف
    مي: ليه نوف وافقت
    ام يوسف: وايش فيه ولدي ماتوافق عليه
    أبو يوسف: من زين ولدك زين انه البنت وافقت عليه
    مي: والله أخوي مافيه شيء والله هي نوف مغرورة وشايفة نفسها ماادري على ايش
    ابو يوسف: والله البنت مافيها شيء وبعدين عيب تقولي على بنت عمك كذا
    ام يوسف: عبد العزيز ايش فيك على البنت
    أبو يوسف: والل محد دلع الاولاد إلا انتي
    مي: بابا حبيبي خلاص أسفين اذا غلطنا على الست نوف
    أبو يوسف: خلاص غيروا السالفة
    ومي في قلبها آآآآآآآه ياليت يايوسف تتزوج نوف والله لأخليها تندم على غرورها والله نوف مابيحط راسها في الارض الا يوسف.............
    ............. في بيت أبو سارة ................
    سارة قاعدة في غرفتها ومشغولة كتابة أشعار وخواطر وحاطة أغنية (الشوق) لجواد العلي
    غبت والشوق طول حبي لك ماتحــــــول
    ياريت ترجع حبيبي محتاجلك أكثرمن أول

    سارة: آآآآآآآآه يابدر لو تدري بحبي ليك
    وتروح ذكريات سارة إلى 7سنوات يوم كانت تلعب مع نوف كانت نوف تصيح وتقول: شفتي ياسارة بدر قالي بوديكي الملاهي ودحين يقولي مافي ملاهي بعدين أوديكي.......... أنا أكره بدر ماأحبه يارب يموت
    سارة: لا حرام عليكي لاتدعي على بدر أنا أحبه ولمن أكبر بتزوجه
    وسمعوا سارة ونوف ضحك من وراهم والتفتوا لقواا بدر يضحك علي كلام سارة
    بدر: خلاص سارة وعد لمن اكبر أنا بجي وأخطبك من أبوكي وأتزوجك
    سار على طول رخت راسها وجريت على بيتهم مكسوفة من كلام بدر......
    سارة: آآآآآآه ذكريات ياليتك يابدر توفي بوعدك وتتزوجني..........
    وترد سارة في كتابة مذكراتها................
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    رد: قصه من بين كل الناس حبيتك

    مُساهمة من طرف حلا السعوديه في الثلاثاء يوليو 29, 2008 4:18 pm

    &&& الجزء الرابع &&&
    بعد يومين
    في بيت أبو بندر
    نوف: أمي ارتاحي ا جلسي انشاء الله بدر بيجي
    أم بندر: والله يانوف ماني قادرة مرة مشتاقة لاخويكي
    نور: امي انتي مين أكثر واحد فينا تحبيه؟
    ام بندر: والله انك فايقة هذا وقت سؤالك بالله
    نوف: ايوه امي الله يخليكي جاوبي
    أم بندر: وجع انتي وهي اسكتوا عني وفارقوا
    نور: أمي حبيبتي
    ام بندر: بالله هذا سؤال تسألينه اكيد أحبكم كلكم زي بعض
    نوف: ماادري احسك تحبي بدر أكثر واحد فينا
    أم بندر: والله كلكم زي بعض بس بدر له كم سنة غايب عن عيني عشان كذا متولهة عليه ولا كلكم معزتكم وحدة في قلبي
    نوف: وهي تحضن أمها: ياحبيبتي انتي اموووووووووووووووووووواه
    نور: والله اقول وخري عن أمي خليني أبوسها انا كمان
    نوف: ياربي على الغيرة عناد ماني موخرة هييييييييييييييه وتطلع لسانها لأختها
    نور: والله انتي اللي تغاري مني عشاني احلى منك
    نوف: ايش أغار منك انتي
    نوربدلع : ايوه
    نوف: وايش فيكي عشان اغار فيه
    نور:الحمدلله حلوة ورشيقة وكلي دلع وجمال
    نوف: اقول روحي ياماما العبي بعيد جمالي مايوازيه جمال
    نور:الله يعينك يايوسف على اختي وغرورها
    أم بندر: بسكم عاد كل وحدة فيكم لها جمالها
    نور:الله يعينك يايوسف على اختي وغرورها
    نوف انقهرت من كلام نور وعلى راحت عندها وشدت شعرها
    نوف: والله يانور لوسمعتك تجيبين سيرة يوسف قدامي مرة ثانية لأوريكي عمى انشاء الله
    أم بندر: نوف ايش هذا سيبي أختك صغيرة ماتعرف الكلام اللي تقولوا
    نوف وبعصبية: صغيرة والله ماهي صغيرة بس في كلام ماله داعي انه تقوله
    وتسيب نوف أختها وتجري على غرفتها وعيونها مليانة دموع
    أم بندر: نور ايش فيها اختك كل هذا تستحس من يوسف
    نور:والله ماادري ياأمي بس غريبة نوف تضايقت أنا ماقلت شيء مرة يزعل
    أم بندر: خلاص حبيبتي مرة ثانية لا تقولين قدامها كذا عشان ماتزعل
    نروح لنوف المسكينة
    نوف وهي تبكي: ياربي من وين طلعلي يوسف هذا والله اني اكرهه مااقدر أعيش معاه يارب تساعدني ياحظك ياسارة ابوكي مو زي أبويه اللي ماهمه انا بكون سعيدة بهذا الزواج ولا لا كل همه انه يرضي أخوه وولده وانا مااعنيله شيء خليني أقوم أصلي وأدعي ربي يمكن يفرجها عليه وتقوم نوف وتتوضأ وتصلي ركعتين لربها ودعت نوف ربها من كل قلبها انه يساعدها ويبعد يوسف عن طريقها وصارت نوف تدعي وتبكي وبعد صلاتها حست نوف بالراحة ( صدق من دعا الله ماخاب رجاه)...........
    وبعدين قررت نوف انها ترجع عند أمها واختها عشان مايحسوا بشيء

    في المطار ابو بندر وبندر ونايف ينتظرون بدر يوصل
    نايف شاف بدر من بعيد وصار يأشر له:بدر بدر
    وابو بندر وبندر صاروا يطالعون مكان مايأشر نايف
    ويجي بدر عليهم ويحضن أبوه ويسلم عليه وبعدين يسلم على أخوانه
    أبو بندر: هلا والله بدر الحمد لله على السلامة ياولدي
    بدر: الله يسلمك ياابويه كيف حالك
    أبو بندر: كلنا بخير
    بدرك وامي واخواتي عساهم بخير
    أبو بندر: كلهم بخير
    بندر: يلا خلينا نروح امي وهي تدق على الجوال متولهة عليك
    أبو بندر: يلا يلا
    في بيت ابو بندر
    الأم ونور قاعدين في الصا لة
    ام بندر: نوف تعالي حبيبتي عندي لاتزعلي نفسك
    نوف راحت عند أمها وقعدت جنبها
    نوف: امي حبيبتي انا ماني زعلانة بس شوي متضايقة
    نور:نوف حبيبتي الله يخليكي سامحيني والله ماكنت اقصد
    نوف: خلاص نور انا ماني زعلانة
    عند بيت ابو بندر وقفت سيارة بندر ونزلواا منها الأب وعياله وساروا صوب بيتهم
    بدر: اقول أدخلوا انتوا وقولوا بدر ماجاء
    أبو بندر: حرام امك تلاقيها عند الباب
    بدر: الا ابويه ادخلو وانا بعدكم بدخل
    وبدر ياشر لنايف ويوصيه على اللي قاله عليه
    ودخلوا لاب وبندرونايف لوحدهم من غير بدر
    من يوم شافتهم أم بدر جريت عليهم
    أم بندر: وين بدراشوفه مو معاكم وعيون أم بندر على الباب
    نايف: بدر مو جاي فاتته الطيارة بيجي بعد أسبوع
    أم بندرعلى طول راحت وجلست على الكنبة
    أم بندر: يلا انشاءالله يرجع بالسلامة أهم شيء إنه بخير
    نوف: معقولة مااصدق
    وراحوا كلهم جلسوا عند أمهم
    واشوي والا يسمعون صوت بدر
    بدر:هوووووووووووووب أنا جيت
    ام بندر وبناتها : بدر بدر وقاموا يجروا بيروحوا عنده وصاروا يسلموا عليه وامه تحضنه بقوة وتبوسه
    أم بندر: ولدي حبيبي حمدلله على سلامتك
    بدر: الله يسلمك يالغالية
    وضربت أم بندر ولدها نايف على كتفه
    أم بندر: نايف ايش المزحة هذي حقتك والله انك ماتستحي
    نايف وهو يضحك: أمي أنا مالي دخل والله بدر اللي قالي اسوي كذا حتى إسألي أبويه وبندر
    بدر: أمي ايوه انا قلتله ابغى اااااااعرف غلاتي عندكم
    أم بندر: والله انك غالي ياحبيبي
    نايف ونوف بصوت واحد: واحنا يعني
    أم بندر: والله كلكم غاليين ومعزتكم وحدة
    بدر: ياربي على الغيرة
    نوف: أمي خلينا نسلم على بدر ولابس انتي
    أم بندر: طيب تعالي اكلتيني وجع
    نوف: هلا والله باأخويه وهي تسلم عليه
    بدر: هلا والله نوف كيفك
    نوف: أنا بخير دامك بخير
    نور: وانا مالي سلام
    بدر: افا والله هلا بدلوعتي نور
    نور: ها جبتلي هدية
    أم بندر: بنت هذا اللي يهمك سلمي أول على أخويكي واتحمديله بالسلامة
    نور بدلع: ماما ايش فيكي عليا أخويه وأدلع عليه
    نوف: هذا كبرك وتدلعي والله انك كبيرة وهبيلة
    نور: غيرة ياربي انتي ايش عليكي أنا أدلع على أخويه حبيبي
    أبو بندر: الله يرجكم خلاص خلوا أخوكم يرتاح
    بدر: خليهم ياأبويه مشتاق والله لكم
    أم بندر: ياحبيبي والله وانت أكثر

    نروح لبيت أبو سامي
    أم سامي: سامي حبيبي لين متى وانت را فض الزواج خلاص حبيبي كل شيء قسمة ونصيب وانت نصيبك مو مع نهى
    سامي وهو معصب: أمي انا كم مرة قلتلكم ماابغى اتزوج خلاص فكوني من هذي السالفة
    (سامي كان يحب بنت خالته نهى من هم صغار وكان حبهم مرة كبير وكل العائلة عارفة بكذا......... بس نهى ماكانت تحب سامي زي مايحبها هو ولا ماكانت تنازلت عنه وعن حبه لمن تقدملها خالد (خالد من اسرة غنية مررررة) وطبعا نهى على طول وافقت عليه ونسيت انه في واحد لو تطلب روحه يعطيها هيه بدون مايفكر ويوم دروا اهل سامي بالسالفة صارت مشاكل كبيرة بين اهل سامي واهل نهى وخاصة بين الأمهات (اللي هم اخوات) وبعد ها سامي كره سيرة الزواج حتى لمن اتخرج وتوظف كل مااهله يجيبوله سيرة الزواج يعتذرلهم باي شيء او يقوم ويروح عنهم) لكن مع مرور السنين رجعت المياه لمجاريها ورجعوا الاهل زي ماكانوا اول
    خلود: سامي حبيبي والله انها ماتستاهل انك تتم كذا على شانها
    سامي:........
    أم سامي في نفسها: ماشاء الله عليها عندها بنت وولد وانت ياحسرتي عليك ياولدي ماتيغى الزواج ولا سيرته
    خلود: ها حبيبي سامي ايش قلت انشوفلك عروسة والله اللي يتمنونك كثار
    أم سامي تحمست: ايوه حبيبي ايش قلت
    سامي: أمي.. خلود صدقوني انا لمن ابغى اتزوج بجي واقولكم
    ام سامي: متى
    سامي قام واقف وهو يمشي يقول: خلاص كل شيء بوقته حلو سلام
    أم سامي: ياربي على هالولد والله بيجنني نفسي ازوجه واشوف عياله
    خلود: والله انا ابغاه يتزوج وحده حلوه عشان تنقهر نهى وتندم على اللي سوته
    أم سامي: الله يسامحها كرهت ولدي في الحريم
    خلود: حسبي الله عليها مالقيت غير سامي الطيب الحنون تسوي فيه كذا
    ام سامي: يلا الله يرزقه بااحسن منها يمكن له خير برفضها له
    خلود: والله احسن اصلا هي مرة مغرورة كأن مافي احد حلو غيرها
    (نهى مرة حلوة وكان الكل يمدح فيها وفي جمالها عشان كذا البنت اتغرت كثير وشافت نفسها على غيرها والمسكين سامي كان يحبها مايشوف عيوبها الا لمن تركته عرف معدنها (صدق من قال بعض المواقف تبين معادن الناس)
    في بيت ابوبندر
    كانت العائلة متجمعة والجو كان حلو بالسوالف والضحك
    بدر:الا اقول بندر وين اولادك ماشفتهم والله رامي رائد وحشوني
    بندر: انشاء الله اجيبهم بكرة
    نوف: أجل كيف يابدرلو شفت رنا وريم التؤام والله يجننوا
    بدر: ماشاء الله جالك بنتين تؤام مبروك والله
    بندر:الله يبارك فيك
    بدر: كم عمرهم
    بندر: 5 شهور الله يعين أمهم عليهم والله متعبينها
    أم بندر: ايه والله تربية واحد صعبة كيف اثنين
    بدر: خلاص بندر لا تنسى تجيبهم والله اني متحمس لشوفتهم
    نايف: الا اقول بدر كيف امريكا
    بدر: عادي مافيها شيء
    نوف: ههههههههه ياربي على اللقافة بيموت ويعرف بس محد أعطاه وجه
    نايف: ههههههههه سخيفة وانتي ايش دخلك وإذا انا بموت وأعرف انتي بتموتي أكثر مني روحي العبي بعيد ياماما
    نوف: الحمدلله موانا اللي سالت معروف من هو الكل شاهد
    أم بندر: نوف نايف الله يرجكم اسكتوا خلاص
    (نايف ونوف هم وراء بعض (طرايد) ومن هم صغار دائما يجاكرون بعض بس فوق هذا يحبون بعض ودايما اسرارهم عند بعض )
    بدر: نورحبيبتي ها سنة كم دحين
    نور: انا ثانية ثانوي علمي
    بدر: والله كبرتي يانور
    نوف وهي تأشر على نور: ههههههههه نونو نونو
    نور: ههههههههههه من كبرك عاد
    نوف: الحمد لله انا في الجامعة وكلها سنة واخلص
    بدر وهو يبغى يقهر نوف: ماشاء الله كبرتي يانوف اذكرك صغيرة
    نور: ههههههههههههههه من حفر حفرة لأخيه وقع فيها خليكي أحسن وتمد لسانها لنوف
    نوف: طيب يابدر كذا تضحك أعدائي عليه
    أم بندر: نوف ايش هذا الكلام اختك عدوك والله إنكم عيال هالزمن محد فيكم يعرف قيمة أخوه
    نوف: خلاص ياامي ولا يهمك وترسل لنور بوسة أموووووووووووواه ياحلو ياكبير انت
    نور: تسلني اختي حبيبتي 0ياحليلهم دوم يتجاكرون )
    ابو بندر: بدر ترى بنسويلك حفلة
    نوف: االله حفلة متى وكيف
    نايف: وجع ماعندها وقت شوي شوي كل هذي اسئلة
    نوف:يووو انت اشلك هاابويه متى بتسونها
    ابوبندر: والله ماادري على كيفكم شوفوا لكم يوم مناسب
    ام بندر: ايش رايكم الخميس ها ماعندكم شيء
    نوف: لا خلاص حلو
    أبو بندر: ها بدر ماعندك شيء الخميس
    بدر: يعني بعد 3 ايام وصار يفكر: مااعتقد عندي شيء حتى لو بيكون في شيء يتأجل
    أم بندر: خلاص الخميس
    وظلوا أهل بدرعلى ضحكهم وسوالفهم................. ....
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    رد: قصه من بين كل الناس حبيتك

    مُساهمة من طرف حلا السعوديه في الثلاثاء يوليو 29, 2008 4:19 pm

    &&& الجزء الخامس &&&
    يوم الأربعاء الساعة 5:20 العصر
    في بيت سارة
    يدق التلفون
    سمر: الووووووووا
    أم بندر: الووووووو السلام عليكم
    سمر: هلا وعليكم السلام
    ام بندر: هلا سمورة كيفك
    سمر:الحمد لله مين خالتي منى
    أم بندر: ايوه ومعاكي
    سمر:كيفكم خالتي
    ام بندر: احنا بخير أقول سمر وين أمك
    سمر: لحظة اناديها
    سمر: أمي أمي تعالي كلمي خالتي منى
    ام سارة: الو السلام عليكم
    ام بندر: هلا والله وعليكم السلام... كيف حالك دلال وكيف حال ابو سارة والبنات
    أم سارة: والله الحمدلله كلنا بخير وانتو كيف حالكم
    أم بندر: الحمد لله بخير
    أم سارة: انسكم بدر
    أم بندر: الله يأنس حالك
    أم بندر: حبيبتي دلال الله يحيكم على عزيمة بنعملها لبدر بكرة
    أم سارة: ماشاء الله 00000 فين في بيتكم
    ام بندر: ايوه
    أم سارة: خلاص انشاء الله بكرة بنكون عندكم من بدري
    أم بندر: الله يحيكم البيت بيتكم
    ام بندر: يلا حبيبتي نشوفك على خير مع السلامة
    أم سارة: مع السلامة حبيبتي وسلمي على البنات
    أم بندر: يوصل انشاءالله
    سمر: خير أمي ايش عندها خالتي
    ام سارة: ابد تعزمنا على حفلة بيسونها لبدر
    سمر:متى
    ام سارة: بكرة الخميس
    سمر في قلبها: يلا خليني أروح أقول لسارة أكييييد بتفرح ههههههههههه

    سارة جالسة في غرفتها فاتحة دفتر مذكراتها وتقرا

    وين أبلقي واحد مثلك وأحـــــبه
    يشعل أيامي ويستوطن خيالـــــــــــــي
    والغلا اللي فات في قلبي يصبـه
    لين أحس انه مثل مغليك غالــــــــــي
    ان شكيت البرد مثل الجمر اشبه
    وان شكيت الشمس احس انه إظلالي
    واعشقه طيف وسواليف ومحبة
    واشربه مثل الغدير الما الزلالــــــي
    وان طراعطره على الريح ومهبة
    قبل اشم العطر عطره وسط بالـــي
    ليت ربي خالـــــــــــقه حبة حبة
    خالق مثله لو أشربه بحلالــــــــــي
    بس لومثله لو يقول الحـــب لبه
    ويشعل أيامي ويستوطن خيالـــــي
    والله إني لازم أرجع له وأحبه
    ويتجدد لين يرخص كل غالــــــي

    سارة ااااه ياربي الحمد لله بدر رجع ياربي والله مشتاقة له
    سمر: سااااااااااااارة
    سارة: وجعععع ايش فيكي تصارخين مااسمع يعني
    سمر: انتي اللي ايش فيكي من اليوم أنادي وانتي منتي معايا وين عقلك
    سارة: أه ياسمر سبيني بس000000 اقول ايش تبغي
    سمر: جاتنا عزومة
    سارة: عزومة من مين
    سمر: في بيت خالتي منى
    سارة: قولي والله متى
    سمر: والله توها خالتي دقت تعزمنا على حفلة بيسونها لبدر
    سارة وهي مرتبكة وفرحانة بنفس الوقت: متى دقت
    سمر: سارة ايش فيكي أقولك توها تقولي متى
    سارة: طيب لا تدفي
    سمر: المهم انا جيت أقولك يمكن تفرحي
    سارة ارتبكت وي ايش فيها هذي ليكون عارفة اني احب بدر
    سارة: والله وليه يعني تفرحني
    سمر: والله ماادري قلت يمكن تشوفي ناس فات عليهم زمن ماشفتيهم وبصوت خفيف سمر: الحبيب بدر
    سمر قالت كلمتها وجريت بره الغرفة وسارة وراها
    سارة: وجعععع ماتستحين صدق انك تافهة

    في بيت ابو بندر
    نوف : خليني أروح عند بدر اشوف ايش عنده أخبار
    راحت نوف لغرفة بدر
    نوف: ممكن ادخل
    بدر: والله مو خلاص دخلتي ليه الإستئذان
    نوغ: بسم الله طيب قوووووول اهلييييييين مرحبتيييييييين هلا باختي الحلوة
    بدر: ههههههههههههههه تعالي تعالي
    نوف راحت جلست عند بدر
    نوف: حبيبي بدر كويكلي قولي ايش سويت في امريكا
    بدر: يعني ايش سويت درست خلصت دراسة وجيت
    نوف وهي تغمز: بس عليا هذا اللي سويته لا رحت من هنا ولا من هنا
    بدر: وانتي اشلك الله على اللقافة عاد تلوم نايف لمن يسالني صدق ناقصات عقل ودين
    نوف وهي منقهرة: طيب خلاص لا تدف ماابي اعرف من زييييينك
    بدر وهو يضحك عليها: ههههههههههههه أحسلك ياحبيبتي
    نوف:هيييييييييه اقول ماعندك هرجة بااااااااااااااي
    بدر: باااااااااااااي ياملقوفة
    نوف وهي خارجة تمد لسانها لبدر دبببببببببببببة
    راحت نوف لغرفتها وهي طفشانة ومقهورة من بدر ليش ماقالها عن اللي نفسها تعرفه وآخر شيء قررت انها تدق على سارة
    نوف: الوووووووووو
    سارة: الوووووووو هلا والله
    نوف: هلا بيكي كيفك يا دببببببة
    سارة: تمام يانعومي كامبل كيفك انتي
    نوف: حلووووووووة نعومي تسالي عن حالي انا ولا بعض الناس
    سارة: هييييييييه ايش قصدك
    نوف: ولا شيء أقول ايش بتلبسي في الحفلة
    سارة وهي تستعبط : ايت حفلة ؟؟؟؟؟؟؟؟؟
    نوف: تستهبلي حبيبتي حفلة بدر ولا ماقلتلكم امي
    سارة: اهااا وليه يادبة مادقيتي عليا وقولتيلي في حفلة خليتيني اعرف من الهبلة سمر اللي قعدت تخربط علياوتقول في حفلة وبتشوفي ناس فات عليهم زمن ماشفتيهم (سارة تقلد صوت سمر)
    نوف: هههههههههههههههههههههههه الله يرجها سمر طيب ولا تزعلي سارة حبيبتي عندتا حفلة تعالي بتنبسطي وبتشوفي ناس حلوين ههههههههههههههههههههههههه ههههههههههههههههههههههههه ههه
    سارة: والله تضحكي ياربي كملتي الناقص اللي خلته سمر مدري ايش فيكم الله يشفيكم
    نوف: ههههههههه ماقلتلك
    سارة بدلع: لا حبيبتي ماقلتي
    نوف: توي رحت لبدر وقلتله وقلتله وقلتله
    سارة وهي ترتجف: ها ايش قلتي كويكلي
    نوف: قلتله أممممممممم
    سارة: نوفو ووجع قولي
    نوف:ولا شيء بس قلتله ايش سويت في أمريكا
    سارة: ايوه وايش قال
    نوف: وجع مااعطاني وجه يقول ماسويت شيء درست وخلصت دراسة وجيت
    سارة: ههههههههههههههههههههههههه ههههههههههههههه خليكي ملقوفة
    نوف: هيييييه ترى أنا ماسألت إلا لانو بعض الناس بيموتوا ويعرفوا مساكين
    سارة: والله وم هم؟؟؟؟؟
    نوف: ناااااس الله يستر عليهم
    سارة: اقول نوف ايش بتلبسي
    نوف: اها تغيري الهرجة ماعليه خلينا باللبس
    سارة: ايوه احسن
    نوف: انا عندي لبس جديد هو فستان قصير لونه وردي يعني حلو وكمان عشانه جديد محد شافوا عليا وانتي ايش بتلبسي
    سارة: والله مدري انتوا بتعزموا ناس كثير
    نوف: يعني مو كثير انتوا وبيت عمي وخوالي وخالاتي وبدر بيعزم أهل اصحابه اعتقد
    سارة: يووالله مدري شكلها حفلتكم كبيرة
    نوف: ولا يهمك سارونة ايش رايك اجيكي ونختار لبس مع بعض
    سارة: الله يحيكي متى بتجي
    نوف: دحين اقول لامي وأجـــي
    سارة: أوكي بااااااااااااااي
    نوف: بااااااااااااااي


    في بيت سامي

    سامية: اقول خلود تدرين من دق عليه اليوم
    خلود: ها مين
    سامية: نهى بنت خالتي
    خلود: وايش تبغى
    سامية: بس تسلم وتقول ايش فيكم لا تسألون علينا وتسلمون ماكأننا بنات خالات
    خلود: ما شاء الله وليه هي ماتسال مو كم مرة نتجمع هي اللي ماتجي غرور ياربي لك الحمد وايش قولتيلها
    سامية: سبحان الله قولتلها نفس كلامك وكمان قولتلها تعرفين الدنيا مشاغل
    وبعدين هرجنا كم هرجة وقفلت بس هذا كل شيء
    تموا سامية وخلود يسولفون
    ودخل عليهم سامي
    سامي : السلام عليكم
    سامية + خلود : وعليكم السلام والرحمة
    سامية: كيفك سامي
    سامي: انا تمام وكيفك انتي وزوجك وبنتك
    سامية : كلنا بخير
    خلود :سامي حبيبي شكلك طفشان يلا قوم نمشيك
    سامي: هههههههه ماشاء الله اتنوا تمشوني ولا انا امشيك من جد تقلب الهرجة على كيفها
    خلود : سام حبيبي كلنا واحد
    أم سامي دخلت عليهم : بنت وشو سام الله يسم العدو انشاءالله
    خلود : امي هذا اسم الدلع سامي = سام
    ام سامي: ومالقيتي دلع الا هذا ياكافي
    سامي:امي ماعليكي منها ها وين تبغون اوديكم
    خلود: ودينا مطعم عشينا
    سامي: وين تبغون أي مطعم
    خلود : ودينا ابلبيز حلو
    سامي: أوكي تجهزوا في الليل
    ام سامي: انا ماني رايحة مااحب اكل المطاعم
    سامي : امي عشان خاطري
    وام سامي لقيتها فرصة : وانا مالي خاطر عندك
    سامي : افا ام سامي قدرك كبير
    أم سامي: والله طيب ليه لمن أقولك تزوج ماتسمع كلامي
    سامي: يو ردينا لطيري ياللي أمي الله يخليكي خلاص قلت ماابغى طاري الهرجة هذي واي شيء ثاني تبينه انا حاضر
    أم سامي وهي معصبة: خلاص روحوا انا ماابغى بتعشى مع ابوكم
    سامي وهو يبوس رأس أمه : الله يخليكي ليه ولاتزعلي
    ام سامي : ياحبيبي في ام تزعل من اولادها
    سامية: اجل بدق على فيصل أقله بروح معاكم

    في بيت نوف
    نوف بعد ماقفلت مع سارة لأمها
    نوف: ماما حبيبتي
    أم بندر: من يوم قلتي كذا عندك شيء يلا بسرعة قولي ايش عندك
    نوف: ابغى اروح عند سارة
    أم بندر: عاد الا بيت دلال مااردك عنه روحي حبيبتي بس لا تتاخري وسلميني عليهم
    نوف: يوصل ماما

    بعد المغرب نوف فيب بيت سارة
    نوف: أقول سارة
    سارة: قولي ياستي
    نوف: ههههه اليوم دقت عليه مي
    سارة:مين مي
    نوف: مي بنت عمي
    سارة: ايوه تذكرتها طيب ايش فيها لو دقت
    نوف: مافيها شيء بس غريبة مي مو ذيك المرة علاقتي معاها ماادري ليه مااحبها تذكرني بأاخوها يوسف
    سارة: الله يرجك يانوف من كرهك ليوسف صرتي ماتحبي اهله
    نوف: لا والله مو كلهم مها احبها بس مي ماقيد دقت تبغى تكلمني أكثر شيء تكلم اختها مها
    سارة: طيب ايش قالت
    نوف: اتصلت تسلم وتسأل عن الحفلة وقالت سلميني على بدر وقوليله حمد لله على السلامة لين ماقابله وتحمده له على السلامة صحيح انها ماتستحي على وجهها
    سارة: حرام عليكي طيب ايش فيها عادي ولد عمها
    نوف: مدري احس اتصالها غريب يلا ياستي ياخبر النهارده بفلوس بكرة ببلاش
    سارة سرحانة وتقول في نفسها ياربي يانوف خوفتيني الله يستر منها
    نوف: سارررررة
    سارة: هـــا
    نوف: لاتخافي بدر ماراح يفكر فيها أخويه وأعرفه
    سارة: نووف خلاص يالله شوفي بطلع لكي ملابسي وانتي اختاري
    وصاروا سارة ونوف يطلعوا من ملابس سارة هذا يصلح وهذا مايصلح لين ماطلعت نوف فستان كان مخبا
    نوف: سارة الله هذا الفستان مرررررررررة حلوووووووو
    سارة: ايوه هذا مرة شفته واشتريته بس ماوريته امي اخاف ماترضى ليه البسه بس هو من عجبني من جد وأشتريته
    نوف: والله انا اشوف انو مناسب مررررة للحفلة
    سارة: مدري اخاف امي ماترضى البسه
    نوف: انتي قومي البسيه وانا بشوفه بعدين ننادي خالتي ونقولها
    سارة: اوكي بلبسه
    وقامت سارة تلبس الفستان (الفستان كان جنان لونه أسود وقماشه حرير ومورد بورود الوانها ممزوجة ببعض بين الأورنج والأصفر والبمبي والتفاحي وهو قصير شوي0000000
    وتدخل سارة على نوف وهي لابسة الفستان
    نوف فتحت فمها لمن دخلت سارة اللي كانت فاتحة شعرها وكان شكل سارة جنان
    سارة: هيييييييه نوف ايش فيكي
    نوف: صراحة سارة جنان تهبلين ماشاء الله خلاص هذا اللي بتلبسيه
    سارة: مو بكيفك حبيبتي أهم شي امي توافق
    نوف: ماعليكي دحين اناديها ونقنعها
    وطلعت نوف عند الباب ونادت ام سارة
    نوف: خالتي خالتي
    أم سارة جات معاها سمر
    أم سارة: ها نوف تبغين شيء
    نوف: تعالي ابغاكي شويه
    ( نوف ماشاء الله عليها جريئة عكس سارة الخجولة )
    نوف: ها خالة ايش رأيك ببنتك
    أم سارة : ماشاء الله
    سمر: الله مرررررررة حلوووووووووة
    نوف: خالة طلبتك طلب الله يخليكي خلي سارة تلبس الفستان هذا في الحفلة
    أم سارة: والله مدري بس مو كأنه شوي قصير
    سمر: امي والله حلو خليها تلبسوا
    سارة: أمي الله يخليكي والله هو احلى واجدد فستان عندي
    نوف: الله يخليكي ياخالة أنا ابغى سارة أحلى وحدة في الحفلة
    أم سارة: خلاص وأنا أقدر عليكم حبيبتي سارة خلاص البسيه بس حصني نفسك محنا ناقصين عيون
    سارة وهي تبوس امها : اموووووووووووواه احبك
    أم سارة : يلا عن اذنكم
    نوف: تفضلي خالة ومشكورة
    سارة: الحمد لله انه رضيت والله من زمان نفسي البسه بس خايفة منها
    نوف: شايفة كيف افضالي عليكي
    سارة وهي تبوس نوف: حبيبتي انتي الله لا يحرمني منك
    نوف: اميييييييييييين يارب
    وظلوا سارة ونوف يرتبوا للحفلة
    بعد ما راحت نوف من عند سارة
    سارة سرحانة تفكر في بدر يالله يابدر ياليتنا جيران كان على الأقل شفتك من الشباك
    وتدخل عليها سمر
    سمر: سارة انا ايش البس كل فساتيني صغرت عليه والباقية عادية
    سارة: يويويويو نسيتك خلاص دحين نروح نروح نخلي ابويه يودينا السوق
    وراحو سارة وسمر لأبوهم وقالوله يبغون السوق ووافق لهم وراحوا السوق واشتروا لسمر فستان احمر مرررررررة حلو
    في السوق سارة مرت من محل هدايا وقالت في نفسها يلا خليني اشتري هدية لبدر
    واشترت هدية كانت عبارة عن علبة كبيرة في داخلها دب ابيض واحمر ومعاه شمعة كبيرة على شكل حرف (b) و جوت العلبة كمان عطر وفيه فواحات وزين كلها لونها احمر مرررررررررررة حلوووووو
    وفي البيت فتحته وحطت في العلبة ورقة مكتوب عليها
    أهلا أهلا بك يابعد كل من لي
    ياأغلى من الغالين ياروح روحي
    يفز لك قلبي وارحـــب وأهلي
    ويطيب في قلبك جميع الجروحي
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    رد: قصه من بين كل الناس حبيتك

    مُساهمة من طرف حلا السعوديه في الثلاثاء يوليو 29, 2008 4:20 pm

    &&& الجزء السادس &&&
    يوم الخميس
    ........... في بيت أبو بندر............
    أم بندر: نوف نوف
    مها: خير ياعمة تبغين شيء اسويه نوف ماهي موجوده
    أم بندر: ليه وين راحت
    مها: تقول بتجيب شيء مدري عنها وأخذت معاها نور
    أم بندر: كيف يروحون ومايقولو ليه مايدرون انو اليوم الحفلة واكيد بحتاجهم
    مها: ماعليه يمكن ناقصهم شيء أنا في قولي ليه ايش تبغي وأنا أسويه
    أم بندر: ما تقصرين يامها لا بس كنت ابغاها تتصلي على بدر أبغاه بشيء
    مها: خلاص انا ادقلك عليه
    ام بندر: تعرفي رقمه
    مها: لا بس دحين ادق على بندر واخذه منه


    في بيت أبو سامي
    سامي خارج من غرفته شاف خلود لابسه عبايتها
    سامي: خلود على وين
    خلود: بروح أمر على سامية ونروح السوق
    سامي: انتي وسامية بس
    خلود: وعهود بتروح
    سامي: مين بوديكم السواق
    خلود: هييييييييه انت تسأل سؤال وتجاوب عليه
    سامي: ههههههههه دبببببببة
    خلود: يا رشيق انت أكييييد السواق في أحد غيره يودينا
    سامي: لا خلاص أنا بوديكم
    خلود: غريبة تودينا انت ماتحب السوق
    سامي: مو غريب الا شوشو
    خلود: حلوووووووووووووة شوشو ليكون الشيطان
    سامي: ايوه هو واصلا انا طفشان يمكن أتسلى معاكم
    خلود أوكي وصارت تنادي عهود عهود
    سامي: يلا انا في السيارة استناكم

    في السيارة
    ممتاز: ماما نوف أي سوق روح
    نوف بصوت خفيف: ماما في عينك
    ممتاز: ايش قول
    نوف:ووووجععع لقافة ودي سوق حراء
    ممتاز: اوكي
    نور: ياويلنا من امي دحين تدور علينا ما تلاقينا
    نوف: لو استأذنا منها ما راح توافق بس الحمد لله احنا قولنا لأبويه ووافق
    نور: اوكي بس لا نتأخر


    في سيارة سامي
    سامي: ها ياحلوين تبغون سوق ايه
    خلود: ودينا سوق حراء
    سامي: لازم حراء يعني
    سامية: حراء فيه أشياء حلوة
    سامي: ليه عندكم مناسبة
    خلود: سامي ايش فيك نسيت انه خالتي هند مسوية عشاء لخطوبة ريم
    سامي: نسيت والله ماأحسبه اليوم كويس ذكرتوني الا اقول انتوا ماعندكم ملابس لازم تشترون
    عهود: وانت ايش عليك مافيها شيء نبغى نكون شيك
    سامي: هههههههههههههههه الحلو حلو لو يصحا من النوم والوحش وحش لو يستحما كل يوم
    عهود: اقول الحمد لله حلوين
    خلود: سامي سيبك منها شغلنا أغنية

    في سيارة نوف
    ممتاز: خلاص انزل هدا سوق
    نوف: ممتاز خليك مافي روح انا شوية وأجي
    ممتاز: طيب لايتأخر ماما
    نوف: وجع انشاء الله اجلس وانت ساكت قال ماما قال
    وينزلون نوف ونور من السيارة ونور بتموت من الضحك على نوف المعصبة

    وبنفس الوقت وقفت سيارة سامي ونزلوا منها سامي والبنات ودخلوا السوق

    نوف:نور ايش رأيك عشان مانتأخر انتي روحي اشتري اللي ناقصك وانا كمان وبيننا اتصال
    نور: أوكي سييو
    وتفرقوا نور ونوف كل وحدة في جهة من السوق


    في بيت سارة
    سمر: سارة ايش العلبة الحمراء اللي جبتيها معاكي من السوق
    سارة: وانتي ايش دخلك ياربي على اللقافة
    سمر: ههههههههه حبيبتي انا عارقة انها لبدر
    سارة: طيب مادامك عارفة ليه تسالي
    سمر: انتي لهذه الدرجة تحبيه
    سارة: وانتي ايش عرفك
    سمر: أقولك شيء وماتزعلي
    سارة: لا قولي
    سمر: صراحة انا مرة بالصدفة دخلت غرفتكي وشفت دفتركي مفتوح وقريته وعرفت
    سارة: ماشاء الله تفتشي باأغراضي
    سمر: سارة ولله بالصدفة خلاص لا تزعلي ماراح أقول لأحد
    سارة:ياويلك ياسمر ان قولتي الهرجة لأحد
    سمر: سرك في بيـــر بس عسى امي ماتشوفه
    سارة: ماعليكي لو سالت بقولها أشياء نوف نسيتها عندي وبوديها لها


    في السوق
    نوف تمشي ووراها شابين يمشون وراها من يوم دخلت السوق
    نوف ياربي ايش أسوي أصارخ فيهم
    نوف: خييييييييييير ايش فيه لاحقيني انت وهو تف عليكم ما تستحون لا شخصية ولا كرامة
    الشاب: ايش فيك يا حلو زعلان
    الثاني: قرب تعال يا مغرور بس والله حلوووووووو
    نوف: وجع انشاءالله روح شوف امك واختك فين
    الشاب: انا مقطوع من شجرة ماعندي أحد
    نوف: وكمان لسان طويل
    الشاب: ايش عرفكي شفتيه
    وصارت نوف تمشي بسرعة وشوية الاتصدم بواحد وبقوة وطاحت غطوتها وبان وجهها ومن الالم صارت تون وهي ماسكة أنفها
    نوف: آآآآآآه آآآآآآآه
    سامي: آسف والله ما شفتك
    سامية: اسفين أختي
    نوف بعد مااستوعبت غطت وجهها وكانت بتهاوش سامي بس لمن شافت اللي معاه تراجعت
    نوف: لا عادي انا الغلطانة كنت امشي بسرعة
    خلود: طيب في شيء يعورك
    نوف: ها احس أنفي يعورني
    سامية: طيب تعالي نروح دورة المياه نشوف
    وراحوا نوف وسامية وخلود وتركوا عهود و سامي اللي كان مرتبك وخايف على نوف وبنفس الوقت يفكر بنوف وجمالها
    سامي في نفسه: ما شاء الله عليها حلوة والله انك فاضي وقته

    في دورة المياه
    فتحت نوف وجهها وشافت أنفها كان متورم بسيط
    سامية: الحمد لله جات على كذا
    نوف: ايوه والله وآسفة أزعجتكم وكمان تعبتكم معايا
    سامية: لا عادي احنا الي آسفين
    ويدق جوال خلود
    خلود: الووو
    سامي: الووووو خلود البنت فيها شيء
    خلود وهي تضحك: لا حبيبي سام مافيها شيء ارتاح دحين احنا جايين عندك
    سامي: طيب
    خلود : مسكين سامي خايف
    نوف: وي مسكين الله يخليك اعتذريلي من اخويكي
    خلود: يوصل
    بعدين نوف حست بشوية صداع فجلست على الكرسي
    سامية: ها فيكي شيء
    نوف: لا بس شوية صداع
    نوف في قلبها خليني ادق على نور اقولها يلا مااقدرأكمل وتذكرت انو شنطتها ماهي معاها
    نوف: يوو وين شنطتي أكيد طاحت مني
    خلود: ارتاحي انتي وان اروح اجيبها
    وراحت خلود عند سامي
    سامي: ها خلود وين سامية البنت فيها شيء
    خلود: لا مافيها شيء اطمن بس ادور شنطتها شكلها طاحت منها شفتها انت
    سامي: الشنطة مدري عنها
    خلود: يووو خلينا نروح ندور عليها
    وراحوا يدورون على الشنطة ومالقيوها
    خلود: ياربي وين راحت ايش اقول للبنت
    سامي: خلاص قوليلها ضاعت
    خلود: طيب خلاص اقول وين عهود
    سامي: ايوه تذكرت الشنطة مع عهود
    خلود: يالله ياسامي مع عهود وخليتنا ندور عليها
    سامي: والله نسيت ياشيخة انا عقلي خلاص
    خلود: طيب هي وينها
    سامي: قالت بتروح شويه وتجي
    وشوية وتجي عهود
    واخذت خلود من عهود الشنطة ورجعت عند البنات وتأخذ نوف الشنطة
    ومالقيت جوالها واذكرت انها نسيته
    نوف: ياربي
    خلودك خير ايش فيكي
    نوف: نسيت جوالي
    خلود: خذي دقي من جوال
    نوف: مشكورة
    خلود في نفسها الحمد لله انه اتذكرت انها نسيته لاتقول سرقوه
    نوف: الوووو نور
    نور: الووو مين
    نوف: أنا نوف
    نور: نوف هذا جوال مين
    نوف: بعدين أقولك تعالي عندي في التواليت
    نور: اوكي انا جايه
    وتسك نوف وتعطي الجوال لخلود
    نوف: مشكورين تعبتكم معايا
    سامية:لا تعب ولاشيء
    نوف: خلاص تقدرون تروحون دحين تجي اختي هي معايا في السوق
    خلود: اوكي باااااااااااااااااي
    نوف: بااااي
    وخرجوا خلود وسامية وبنفس الوقت دخلت نور
    نور: ها نوف ايش فيكي
    نوف: بعدين اقولك يلا نروح
    وخرجوا نوف ونور من دورة المياه وشافت نوف البنات واشرتلهم
    سامي: متأكدين انو مافيها شيء
    سامية: مافيها شيء اطمن
    خلود: يلا خلينا نكمل مااشترينا شيء
    سامي: انتوا كملوا سوق لوحدكم انا رايح
    خلود: ليه
    سامي: انا جيت السوق لاني طفشان بس دحين انسدت نفسي انا رايح وبرسلكم السواق
    سامي: باااااااااي
    البنات: باااااااااااي

    في السيارة
    حكت نوف نور كل اللي صار
    نور: ياحرام تلاقي الولد راح فيها
    نوف: والله لو تشوفي شكله مسكين مررة مرتبك
    نور: يعني مااشتريتي شيء
    نوف: ياشيخة خلاص انسدت نفسي وراسي صدع كمان
    نوف: وانتي لقيتي اللي تبغيه ؟؟؟؟
    نور: يعني بس المهم طلعنا بشيء

    في البيت
    أم بندر: تروحوا ولا تستأذنوا
    نوف: استأذنا من أبويه ورضي وأنتي إذا قولنا لكي مابترضي
    أم بندر: وفين الشيء المهم اللي تبغيه ولابس طلوع على الفاضي
    نوف: مالقيت شيء حلو
    أم بندر: خلاص بعدين نتفاهم روحوا البسوا ما بقي وقت شوية والناس تجي
    0000000000000000000000000
    اول ناس جات اهل سارة
    أم بندر: هلا والله بدلال
    أم سارة: هلا بيكي
    ويسلموا الحريم على بعض
    سارة: خالتي وين البنات
    أم بندر: البنات بغرفهم روحي عجليهم خليهم ينزلوا بسرعة
    وطلعوا سارة وسمر عند البنات
    سمر: سارة انا بروح عند نور
    سارة: اوكي
    وتمرسارة من عند غرفة بدر
    سارة في نفسها: ااااااه يا حبي لك وصارت واقفة قدام الغرفة مسرحة وتنتبهه سارة لنفسها وي ايش فيه خليني اروح عند نوف
    سارة: هووووووووووووب أنا جيت
    نوف: هلا سارة تعالي بقولك شيء جديد لايفوتك
    سارة: خير ايش في
    نوف: ولا أقول بعدين أقولك
    سارة: مافيه حبيبتي دحين قولي
    نوف: والله الهرجة طويلة ولا تخافين ماتخص بدر
    سارة ارتاحت : براحتك
    نوف: ههههههه اه منك بس
    نوف: أقول سارة ايش هذا اللي معاكي
    سارة: نوف اسمعي هذي هدية لبدر بس ماني عارفة كيف اعطيه اياها
    نوف: حركات سهلة حبيبتي اذا شفتي بدر سلمي عليه و اعطيه الهدية
    سارة: هييييييه من جدك انتي
    نوف: والله من جد موهي له
    سارة: لا والله انتي تروحين دحين وتحطيها بغرفته ولعلمك انا ماكتبت اسمي على الهدية وياويلك لو قلتي له انها مني
    نوف: ياهبلة وكيف يعرف انو انتي جيبتيها
    سارة: مو مهم يعرف اهم شيء اني اهدي بدر
    نوف: والله انك من جد هبلة هذي فرصتك ياحلوة انك تبيني لبدر انك تحبيه بعدين حرام عليكي تضيعي عمرك على حب من طرف واحد واحسن طريقة انو بدر يحس فيكي الهدية ها ايش قولتي
    سارة بعد مافكرت: رايك كذا طيب خلاص
    وفتحت سارة الهدية وكتبت اسمها على الكرت
    نوف: سارة افتح العباية بشوف شكلك
    وفتحت سارة العباية وعدلت لبسها وشعرها
    نوف: الله تجنني ايش هالجمال يابختك ياأخويه
    سارة استحت من كلام نوف
    نوف: ياربي على اللي يستحوا امممممممممممممممممواه
    سارة : خلاص انا بنزل الحقيني
    نوف: اوكي

    بدر ينادي
    ام بندر: ها بدر
    بدر: امي بطلع غرفتي نسيت جوالي
    ام بندر: طيب بسرعة عشان في ضيوف
    بدر: اوكي مام
    سارة خرجت من غرفة نوف وبنفس الوقت بدر كان طالع بسرعة وصدم بسارة
    سارة: اااااااه
    بدر: اسف ويوم جات عينه بسارة صار متنح فيها
    بدر:في قلبه الله ايش الملاك هذا
    سارة استحت وبسرعة مرت من عنده وهي مرتبكة وترتجف ودموعها تصب
    سارة : ياويلي الحق عليا المفروض ما انزل بدون طرحة كأن البيت بيتي ياويلي من أمي لو تدري وبسرعة مسحت دموعها وراحت عند أمها وأم نوف
    نروح لبدر
    بدر راح غرفة نوف
    بدر: نوف افتحي
    فتحت نوف الباب : هلا بدر
    بدر: مين البنت اللي خرجت من عندك
    نوف: وي شفتها
    بدر: أيوه تصادمنا ببعض
    نوف: يامسكينة ياسارة
    بدر: مين سارة هذي
    نوف: بدر معقولة ماعرفت سارة
    بدر: لا ماعرفتها مين هي
    نوف: متأكد
    بدر وبدأ صبره ينفذ: شور يالله قولي
    نوف: سارة بنت محمد جارنا اول
    بدر: اااااااه تذكرتها
    نوف في قلبها ناسي يييييي لو تدرين ياسارة انو بدريادوب تذكركي عاد وجايبتله هدية والله انه مايستاهل
    بدر:مو هذي سارة اللي كانت تلعب معاكي
    نوف: أيوه
    بدر: تصدقي هي حلوة لمن كانت صغيرة حتى دحين هي حلوة
    نوف: وووجع قول ماشاء الله لاتعطيها عين
    بدر: بنت استحي أنا أخوكي الكبير وبعدين الحمد لله انا عيوني باردة
    مااحسد
    نوف:هههههههه اقول فاضي بلا روح ابغى البس
    بدر: طيب حلي دبببببببة
    نوف: انت الي دبة يلا روح
    0000000000000000000000000 00000000000
    بعد فترة وصلوا الضيوف
    وكانت الحفلة حلوة ومرتبة
    عند الرجال كان الجو حلو سوالف ونكت
    يوسف: أقول بدر كيف أمريكا
    بدر: تسلم عليك
    يوسف: الله يسلمك بس والله من جد
    بدر: حلوة بس السعودية احلى
    ابو سارة: بتشتغل في الشركة دحين
    بدر: انشاء الله
    نايف: ايش رايكم نروح البحر ننادي الشباب وننبسط
    بدر: ماعندي مانع
    تامر صاحب بدر: وانا كمان
    وباقي الشباب وافقوا

    نروح عند الحريم كان الجو بسطة ومشغلين أغاني ويرقصون
    نوف: شوفي مي كيف تتلصق في امي مدري حاسة انو وراها شيء
    سارة: ياشيخة ماعليكي منها خلينا ننبسط
    وقاموا سمر ونور يرقصوا ويسوون حركات خلت الحريم يتفاعلون معاهم
    ومي تطالع بسارة بحقد
    مي في قلبها: فرحانة بصحبتها هذه ماحبيتها احسها لئيمة
    نوف: سارة شوفي مي كيف تتطل فيكي غيره ياربي
    سارة: حرام عليكي لاتظلميها بعدين ليش تغار مني
    نوف: سهلة حبيبتي عشانك أحلى منها
    وتقوم مي من مكانها وتجي عند نوف وسارة
    مي: نوف عرفينا
    نوف بدلع: هذي سارة بنت جيراننا
    مي: اااه تذكرتها كيفك سارة
    سارة :بخير وانتي كيفك
    مي: تمام بس والله ماعرفتك متغيرة مررررررررة
    سارة: طيب للأحلى ولا للأسوأ
    نوف: أكييييييد للاحلى اصلا انتي طول عمرك حلوة
    مي انقهرت من نوف وحبت تغير الهرجة
    مي: اقول نوف وين بدر بسلم عليه
    نوف وهي معصبة من سوأل مي : بدر عند الرجال ولا تبغيه يدخل عند الحريم
    وسارة صارت تدق نوف اللي معصبة من مي
    مي: طيب ايش فيكي معصبة
    نوف: من قال حبيبتي مافي شيء
    مي: يلا انا قايمة فرصة سعيدة سارة
    سارة: وانا اسعد حبيبتي
    نوف في قلبها : أحسن روحي
    وتروح مي عنهم وهي مقهورة من نوف
    مي في نفسها: طيب يانوف ان ماخليتك تندمي مااكون مي

    نوف: شفتي كيف ماتستحي قال تبغى بدر بتسلم عليه وووووجع في شكلها
    سارة: نوف خلاص مهما كان بنت عمك
    نوف: بنت عمي على عيني ورأسي بس كل شيء له حدود
    سارة: سبيكي منها اقول وديتي الهدية غرفة بدر
    نوف: وي نسيت كويس افتكرتي يلا بقوم اوديها
    سارة: أوكي كويكلي
    وتروح نوف تأخذ الهدية وتحطها في غرفة بدر
    وبالصدفة كانت مي طالعة فوق ومرت من غرفة بدر وشافتها مفتوحة وبتدخل الا تلا قي نوف وهي تحط الهدية على السرير بس نوف ماشافتها وبسرعة رجعت مي وراحت عن الغرفة
    بعد مانزلت نوف مي تفكر : ايش هذي الهدية اللي حطتها نوف؟؟ مو معقولة منها وليه يهذا الوقت؟؟ يعني يمكن تكون من سارة؟؟
    مي:اقول ليش اتعب نفسي وأضيع الوقت خليني ادخل وأشوفها
    وتدخل مي الغرفة وتسك الباب .................
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    رد: قصه من بين كل الناس حبيتك

    مُساهمة من طرف حلا السعوديه في الثلاثاء يوليو 29, 2008 4:20 pm

    &&& الجزء السابع &&&
    رجعت نوف عند سارة
    سارة: ها نوف وديتيها
    نوف: ايوه حطيتها على السرير حتى تكون أول هدية يشوفها
    سارة وهي تبوس نوف ومرررررة فرحانة: يا حبيبتي اممممممممممواه
    نوف: ههههههههههههههههههههههههه ههههههههههههههههههههههههه هه يابنت اثقلي انا أخته
    سارة استحت ونزلت رأسها : طيب
    نوف: ههههههههههههههههههههههههه هههههههههههه امزح ياهبلة
    مها: نوف وسارة ليه ماترقصوا
    نوف: انا رقصت بس عشان سارة ماتحب ترقص انا بجلس معاها
    مها: سارة قومي ارقصي
    سارة: لا مها استحي
    مها: قومي يابنت وري الناس جمالك ترى كذا وحدة سألتني عنك
    نوف: يلا سارة قومي وهمست لسارة ترى والله لو ماقمتي ترقصي بروح الغرفة وأشيل الهدية
    سارة: يويويويو خلاص بقوم


    نروح لمي
    دخلت مي الغرفة وسكت الباب وراحت عند الهدية وفتحتها بشويش وشافت الكرت وفتحته وقرته
    مي: زي ما توقعت من سارة..... طيب يا نوف والله لقهرك تبغين بدر يحب صحبتك المقرودة بس خير إنشاء الله
    وتقوم مي تجيب قلم وتأخذ الكرت وتشخط على اسم سارة وتحط اسمها لا وبالكامل عشان بدر يعرفها
    مي: نشوف ياسارة أنا ولا انتي اللي بتفوز ببدر هههههههههههههههه
    وبعدين رجعت كل شيء مكانه وخرجت من الغرفة على طول ........

    قاموا سارة ونوف يرقصوا مع البنات وكان شكلهم جنان والحريم يتهامسون على جمالهم واغلبهم يتسألون عن البنت اللي ترقص مع نوف..
    وأم سارة تقرأ المعوذات في قلبها خايفة على بنتها
    أم محمد: الا اقول أم بندر مين هذي اللي مع نوف؟؟؟؟؟
    أم بندر: هذي سارة بنت جيراننا
    ام خالد: ماشاء الله حلوة الله يحفظها
    ام بندر: امين

    نور: سمر ايش رأيك نروح نجلس على النت
    سمر: يلا خلينا نغير جو
    وراحوا نور وسمر غرفة نور
    وهم طالعين كانت مي بنفس الوقت نازلة من الدرج
    نور في قلبها: هذي من فين جاية
    بعدين هزت كتوفها وكملت طريقها
    ......................... ................
    الساعة 2 في الليل راحوا الضيوف ومابقي الا اهل سارة ومي ومها وامهم
    وكانوا سارة ونوف يتكلمون بشويش مع بعض ومي تطل فيهم ومقهورة منهم
    سارة: نوف ماقلتي ليه الهرجة اللي كنتي بتقوليها ليه؟؟؟؟
    نوف: ايوه صح نسيت
    وحكت نوف سارة اللي صار لها في السوق
    سارة: هههههههههههههه الله يرجك يا نوف من جد انتي تحصلك أشياء صراحة غريبة
    نوف: شفتي كيف المنحوس منحوس
    وتقاطعهم مي بصوت عالي شوي : أقول خالتي منتي مزوجة بدر
    أم بندر: ياليت هو يرضى بس
    أم يوسف: ماشاء الله عليه بدر أي بنت تتمناه
    نوف في قلبها: بعيد عنك انت وبنتك
    وهنا دق جوال مي
    مي بدلع وتبغي تقهر نوف: الوووو هلا يوسف حبيبي
    نوف في قلبها : حبتك القرادة من زينك انت وهو
    مي : أوكي حبيبي
    مي: يلا أمي يوسف بره
    وراحوا بيت أم يوسف وما بقي إلا أهل سارة قعدوا كمان ساعة بعدين راحوا بيتهم
    000000000000000000000
    في ذيك الليلة أرواح لم تستطيع النوم في قلوبها وله واشتياق ...... تمني.......... حب ولوعة.......... حقد وكره وانتقام.......... تفكير في المستقبل.......

    *** في بيت سارة
    كانت سارة على سريرها وتفكر في بدر يا ترى شاف الهدية ولا لسه ؟؟ طيب لو شافها ايش قال؟؟ ياربي بموت واعرف أدق على نوف لا كل شوية ادقق عليها لو هي تعرف اكيد بتتصل عليا
    سارة: ياربي خلاص والله تعبت وصارت لا شعوريا تبكي لين ما نامت ودموعها على وجهها

    *** نروح لسامي
    سامي: ياربي عليها وعلى جمالها(يقصد نوف) مدري ليه ارتحت لها أحس إنها جزء مني معقولة حبيتها؟؟ لا أكيد إعجاب مو حب ماظن اني بحب بعد نهى0000 الحب اللي اعطيته نهى كان كل حب في قلبي ومااظن انو لسه قلبي حيحب بس ليه تعلقت فيها لمن شوفتها بس خسارة اني مااعرفها يعني هذيك المرة اول واخرمرة أشوفها وين بلاقيها
    سامي: خلاص تعبت خليني انام احسن لو بفكر لبكرة ماراح اعرفلها طريق ولا بعمري بلقاها
    وسامي بصوت عالي شوي: إلا بالأحلام

    *** نروح لمي
    مي : طيب يانوف عاملة واسطة بين بدر وسارة بس هههه حرقتها عليكي
    والله مااكون مي اذا ماخليتك تندمي بس خلي يوسف يتزوجك إن ماخليتك تذوقي العذاب يوسف يحبني ويسمع كلامي إن ماقهرتك بعدين تذكرت اللي سوته
    مي: نفسي اشوف شكلها لمن تشوف اسمي على الهدية بدل سارة ههههههههههههههههههههههههه ههههههههههههههههههههههههه

    *** عند نوف
    نوف: اااااه ياربي ساعدني وبعد يوسف عن طريقي حرام عليك ياابويه اللي تسويه فيه يعني انا مو من حقي اختار شريك حياتي زي غيري من البنات يا ربي أفرجها عني ويسر لي الخير مالي غير الله ادعيه ولا مين بيحس فيني الكل لاهي بحياته

    *** نروح لبدر
    دخل بدر غرفته واستحمى ولبس بيجامة النوم وهو ينشف شعره لفتت نظره هدية سارة طبعا من بين الهدايا
    راح بدر جلس على السرير وفتحها وشاف اللي فيها وأخذ الكرت وقراه
    بدروهو متعجب: مي بنت عمي وشال العطر وشمه: ما شاء الله ذوقها حلو
    (بس فجأة وهو يقلب في العطر طاح منه وانكسر وبعدين شاله ورماه وراح فتح الهدايا الباقية وأغلبها عجبته...................


    اليوم الثاني
    في بيت ابو بندر
    العيلة متجمعة ويتكلمون في اللي صار بالحفلة وعن بدر
    أم بندر: ها حبيبي بدر دحين خلصت دراسة وبتتوظف ومابقي الا نزوجك خلاص نبغى نشوف عيالك
    بدر: من عيوني بسوالله انا دحين ماافكر في الزواج خليني اشتغل واستقر بعدين اتزوج
    أبو بندر: لين متى بتم كذا اللي في عمرك متجوزين وعندهم عيال
    بدر: ابويه الله يخليكم لي وتشوفون عيالي بس تكفون لا تضغطون عليا عندكم نايف زوجوه
    نايف: ايوه والله انا فاضي وماعندي ارتباطات زوجوني
    نوف:بسم الله ماصدق اخونا
    نايف: وانتي أيشلك ولا عشان بتتزوجي بتكبرين راسك علينا
    بدر: خلاص نوف وافقتي
    نوف وهي تصارخ: لا انا ماوافقت
    أبو بندر: نوف ايش فيكي تصارخين كم مرة أقولك لاترفعين صوتك بعدين مسألة زواجك انتهت وبع اسبوع يوسف بيجي يشوفك
    نوف ما قدرت تتحمل كلام ابوها وشالت نفسها وراحت غرفتها وهي تبكي
    بدر: ايش فيها قامت
    نور: زعلانة ماتبغى تتزوج يوسف
    أبو بندر: نور قومي لابارك الله فيكم الحقي أختك
    قامت نور وهي محتشرة وراحت تلعب مع نواف بلاي ستيشن
    بدر: أبويه لاتغصونها عليه اذا ماتبغاه
    أبو بندر:بدر تكفا خلاص الموضوع انتهى
    بدر: بس ياأبويه 000000 ويدق جوال بدر
    بدر: عن إذنكم ويروح بسرعة
    أم بندر: ايش فيه هذا كمان قام بسرعة
    أبو بندر وهو معصب من عياله: بكيفه

    بدر: مرحبا جوليا
    جوليا : آهلين بدر
    بدر: كيف حالك
    جوليا: انا منيحة انت كيفك
    بدر: بخير
    ( جوليا وبدر تعرفوا على بعض في أمريكا جوليا لبنانية عمرها 24 سنة وهي تشتغل في الفندق اللي نزل فيه بدر اول ماجاء امريكا ومن يوم شافها بدر تعلق فيها مانقول حب لكنه ارتاحلها وهي كمان طيبة وكانوا هي وبدر دايما يتقابلون في اوقات فراغهم وعلاقتهم كانت تزداد يوم عن يوم حتى لمن قالها بدر انه بيسافر ويرجع للسعودية صارت تبكي وحزن بدر على حالها بس مابيده حيلة حتى هويبغى يرجع لبلده وحشوه أهله
    جوليا: وكيفك هلا في بلدك
    بدر: والله ياجوليا انا مبسوط مو ناقصني الا شوفتك
    جوليا: تؤبرني والله وأنا أكتر
    بدرك وكيف الشلة
    جوليا: منيحين بيسلموا عليك
    بدر: الله يسلمهم لاتنسي تبوسيلي هما
    جوليا: يوصل حبيبي
    بدر: جوليا حبيبتي كيف......................
    ونوف كانت تبغى تدخل لبدر وبالصدفة سمعت كلامه
    نوف: حبيبتي جوليا من هي معقولة بدر يحب يييي لو تدري سارة بتروح فيها لالالا مستحيل اقولها عساني مااغلط قدامها وبعدين ليش انا افكر كذا يمكن تكون وحدة عادية وانتبهت نوف لنفسها ورجعت غرفتها
    نرجع لبدر بعد ماسكر من جوليا تذكر نوف
    بدر: نوف نوف افتحي الباب
    فتحت نوف الباب: هلا بدر (بدون نفس منقهره من سالفته مع جوليا)
    بدر: هييييييه ايش فيكي كذا اشويه وتضربيني
    نوف: بدر الله يخليك ماني ناقصة
    بدر: تعالي معايا
    ودخل بدر غرفة نوف وهو ماسك يدها وقعدها جنبه
    بدر: خلاص حبيبتي نوف دحين ابويه معصب خليه شوية وان بفهمه مايجوز يغصبك
    نوف: الله يخليك بدر ساعدني انا مااحب يوسف اكرهه كيف ياربي اتزوجه
    بدر: اوكي حبيبتي بي اصبري ومايصير الا اللي تبغيه
    نوف وهي تحضن بدر: الله يخليك ليه صادقة سارة لمن قالتلي انو انت اللي بتساعدني
    بدر: سارة ايش قالت
    نوف: هااا لا ماقالت شيء وتذكرت الهدية
    نوف: بدر كيف الهدايا حلوة؟؟
    بدر: حلوة
    نوف وهي تغمز: ايش اكثر وحدة عجبتك؟؟
    بدر: الصراحة عجبتني هدية أمي
    نوف بحسرة: والله طيب خلاص
    بدر: خلاص ايه
    نوف: لا ولا شيء
    وهنا دق جوال نوف
    نوف: الوو
    مي: مرحبا نوف
    نوف: هلا مي
    بدر انتبه لنوف لمن قالت مي وركز انتباهه عليها
    مي: نوف أبغى أكلم بدر أمس ما شفته بسلم عليه أعطيني رقم جواله
    نوف في قلبها وجععع ما تستحي
    نوف: خذي كلميه بدر عندي
    مي بفرح: والله هاتيه
    نوف: اوكي بدر خذ كلم مي
    بدر بإستغراب أنا ايش تبغى
    نوف: تبغى تسلم
    بدر:اللوووووووو
    مي بدلع: اهلين بدر الحمدلله على السلامة
    بدر:الله يسلمك كيف حالك
    مي: بخير دامك بخير
    بدر: مشكورة على الهدية
    نوف انفجعت: هدية مي جابت لبدر هديه وجععععع زي ماتوقعت انو وراها شيء بس والله ماراح اخليها تتهنى وتشوف
    مي: بدر لاتشكرني انا ماسويت شيء
    بدر: ماقصرتي نردها لكي انشاء الله
    مي: هديتك بتكون أحلى هدية
    وهنا نوف أشرت لبدر عشان يقفل
    بدر: طيب مي مشكورة على الاتصال وسلمي على أهلك
    مي: أوكي بدر باااااااااااااااااي سييو
    بدر: باااااااااااااي
    وتأخذ نوف الجوال وتقفله مرررة
    بدر: نوف عيب عليكي تقفلي في وجهها كان كلمتيها بعدين قفلتي
    نوف: ماني ناقصتها كفاية أخوها
    بدر: ههههههههه نوف شكلك من كرهك ليوسف كرهتي أهله
    نوف: بدر خلاص بعدين تعال ليه ماقلتلي انو مي جابتلك هدية
    بدر: عادي ماجاء في بالي
    نوف: وجععععع في شكلها بدرعلى شان خاطري أرمي هديتها
    بدر:لاتخافي العطر اللي جابته طاح مني وانكسر ورميته اصلا لكن باقي الهدية ماني راميه
    نوف: الله يخليك ارميها
    بدر: نوف اشفيكي ارمي هدية انهدت ليه صاحية انتي
    نوف: خلاص خليها عندك كل ماتبغى تنام اتفرج عليها وأحضنها عشان ماتزعل علينا الست مي
    بدر وهو يضحك على نوف : هههههههههههه أقول شكلك اتجننتي اروح بس لاتقومي تاكليني روحي شوفي وجهك في المراية شوية ويتفجر يلا بااااااااااااااااااي
    وقام بدر وهو يجري من الغرفة ونوف على طول مسكت المخدة ورمتها على بدر بس مالحقته لان بدر بسرعة خرج وسكر الباب وراه

    ونروح لمي اللي انقهرت من نوف لانها سكرت في وجهها
    مي دحين يانوف منتي طايقتني طيب اوريكي ان مابكيتك دم مااكون مي

    سارة كانت تدق على جوال نوف وكان مقفل لان نوف قفلته تخاف ان مي تدق عليها مرة ثانية
    سارة: ياربي ايش فيها مقفلة جوالها خليني ادق على تلفون بيتهم
    بدر خرج من غرفة نوف ونزل الصالة وكان بيخرج الا ويدق التلفون
    سارة: الووووو
    بدر: الووووووو
    سارة: نايف كيف حالك (تحسب بدر نايف )
    بدر وفي قلبه والله حركات يانايف وحدة وجراءة كمان تدق على تيلفون البيت
    سارة: الووو
    بدر: انا مو نايف انا اخوه بدر
    سارة ارتبكت ياربي بدرررررر
    بدر: الو الوووووووو
    سارة انتبهت: هاالووو ايوة بدر كيف حالك
    بدر: الحمدلله بخير انتي تعرفيني (بدر في قلبه وكمااااان قايلها عني)
    سارة: ايوة ماعرفتني انا سارة
    بدر: هلا سارة انت صحبة نايف
    سارة: ايش
    بدر: موانت قلتي سارة وتبغي نايف
    سارة: لاماابغى نايف
    بدر: اجل ليه متصلة
    سارة وهي خلاص بتبكي: بدر انت ماعرفتني انا سارة
    بدر: لاحول خلاص عرفت انك سارة بس انتي تبغي مين
    سارة يوم سمعت كلام بدر تحطمت وماقدرت وعلى طول قفلت السماعة وراحت غرفتها وهي تبكي
    بدر: الووو صحيح ماتستحي قفلت الخط بوجهي
    نوف : بدر ايش فيك بسم الله عليك تكلم نفسك
    بدر: لا وحدة اتصلت وتقول انت نايف قولتلها لا بدر قالت ماعرفتني انا سارة ولمن قولتلها تبغي مين قفلت بوجهي
    نوف: اييه ايش تقول سارة اكيد انها سارة مانعرف احد غيرها اسم سارة
    بدر: ايوه من سارة
    نوف: سارة بنت جيراننا نسيتها
    بدر: آآآآآآه سارة الحلوة والله نسيتها عقلي يحفظ ايش ولا ايش
    نوف في قلبها حرام عليك يابدر حرااااااااام عليك سارة تحبك وانت تسوي بها كذا ياربي اكيد حالتها حالة دحين ولا ماتقفل مسكينة اكيد متصلة تبي تعرف مني ايش قال بدر عن الهدية
    بدر: نوف نوووووف وينك
    نوف وهي مقهورة من بدر : ها ولاشي انا طالعة
    بدر وهو مستغرب من تصرفات نوف: ايش فيها هاذي خليني اروح ماعندها سالفة
    نوف راحت غرفتها ودقت على سارة لقيت جوال سارة مقفل
    نوف: مسكينة سارة والله تحبه وتموت فيه وانتظرته سنييييين وهو مو داري عنها حتى ماعرفها لما اتصلت حتى ماقلي عن هديتها ياااااااااربي والله سارة ماتستاهل
    هي انصدمت لانه ماعرفها أجل كيف لو تدري عن جوليااااااا
    والله مسكينة ساااااااارة يربي قلبي يعورني عليها
    وفي غرفة سارة رامية نفسها على السرير ودموعها ما وقفت تقطع القلب تبكي وتبكي وتبكي
    تبكي على حبهااااااااا
    على ايامها وهي تفكر ببدر
    على السنين اللي مضت وهي تستناه في امل يجي يوم وتتجمع قلوبهم وأرواحهم معااااااا
    طيب ليه انا اظلمه يمكن ماعرف صوتي بس مو معقولة ماعرفني اقلها من هديتي بيعرفني ياربي انا تعبت خلاص أكيد انه ناسيني انا اللي كنت أتوهم الحب انا اللي رسمت في بالي أحلام وأوهام اااااااااه وصارت تبكي
    0000000000000000000000000 00000000000
    ولاتنسون الردود
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    رد: قصه من بين كل الناس حبيتك

    مُساهمة من طرف حلا السعوديه في الثلاثاء يوليو 29, 2008 4:22 pm

    &&& الجزء الثامن &&&

    في بيت سارة
    أم سارة: قومي حبيبتي ايش النوم هذا
    سارة: أمي سيبيني ماأبغى أقوم
    أم سارة: حبيبتي فيكي شيء تعبانة
    سارة: لا ماني تعبانة بس أمس ما نمت بدري
    أم سارة: طيب حبيبتي نامي
    وخرجت أم سارة من الغرفة وهي خايفة على بنتها حاسة انو فيها شيء وجهها مرررة تعبان

    نوف دقت على جوال سارة لقته لسه مقفل
    نوف: خليني ادق على بيتهم
    نوف: الوو السلام عليكم
    ام سارة: هلا وعليكم السلام
    نوف: كيفك خالتي
    ام سارة: هلا نوف الحمدلله
    نوف: خالتي ممكن تناديلي سارة ادق على جوالها مقفل
    أم سارة: والله يانوف توي خارجة من غرفتها تقول تبغى تنام أمس مانامت بدري مدري ايش فيها كأنها كانت تبكي
    نوف: خلاص انا دحين اجي عندكم
    أم سارة: الله يحيكي يابنتي
    نوف: مع السلامة
    أم سارة: مع السلامة
    ......................... ......
    نوف وهي لابسة العباية شافها بدر
    بدر: على وين نوف
    نوف: بروح عند سارة
    بدر: مسرع اشتقتي لها أمس عندك
    نوف: حبيبي انا اشتاق لسارة كل دقيقة موكل يوم سارة حبيبتي
    بدر: طيب لاتدفي تبغيني أوصلك
    نوف: لا ماله داعي أخاف منت فاضي
    بدر: افا حتى لو مني فاضي أفضى لكي كم نوف عندي
    نوف: تسلم حبيبي يلا أجل
    بدر: اوكي

    في بيت سامي
    خلود: تصدقي أمي أمس سامي صدم وحدة
    ام سامي: ايش صدم وحدة وايش صار لها ماتت
    سامي: أمي ليه أنا أموت لها الدرجة
    خلود: هههههههههههههههه خرعت البنت
    ام سامي: ايش الهرجة مين صدمت
    سامي: لا تخافي امي ماصدمت أحد بس امس في السوق البنت كانت تمشي بسرعة وصدمت فيه
    أم سامي: الحمدلله احسب صدمتها بالسيارة
    خلود: لا بس هي اتعورت مع انفها بس شفناها انا وسامية مافيها شيء
    سامي: بس ياعليها جمال
    أم سامي فرحت: ها نخطبها لك
    خلود + بدر : ههههههههههههههههههههههههه ههههههههههههههههههههه
    أم سامي: من جد ماتستحون ايش قلت يضحك
    سامي: أمي من جدك انتي ليه هي السالفة لعبة
    خلود: البنت حتى مانعرفها ولا نعرف اخلاقها تقولي نخطبها
    أم سامي: أقول الشرهة عليه اني ابزوجك واسعدك
    سامي: ماقلنا شيء بس مو أي وحدة وحدة نعرفها
    ام سامي: اسكت بالله عليك عمرك مابتتزوج انا اللي متعبة نفسي خليني اقوم أحسن لي ماعندكم سالفة
    سامي: أمي تعالي وين رايحة
    خلود: حرام عليك ياسامي والله أمي بتفرح فيك
    سامي: اقول غيري الهرجة خلاص مليت منها
    خلود: براحتك
    خلود: عندي رقم نوف
    سامي: مين نوف
    خلود: نوف اللي صدمتها
    سامي وهو مهتم: والله وكيف عرفتي اسمها
    خلود: نسيت جوالها واخذت جوالي تدق منه وبعدين سمعتها تقول لأختها انا نوف
    سامي: ومسجلته عندك
    خلود: على طول خزنته عندي خليني أتعرف عليها أحسها طيبة
    سامي: بس انتبهي لاتكون ماهي كويسة وتخربكي
    خلود: لا لا تخاف مني صغيرة انا أكيد لو بحس انها كذا ماني معطيتها وجه
    سامي: اوكي يلا باااااااااااااااي
    خلود: بسم الله ايش فيك كذا فجأة بااااااااااااي
    سامي: ههههههههههه افهميها حبيبتي يعني الهرجة انتهت وانا بطلع بااااااااااي
    خلود: طيب حل بااااااااااااااااااي

    في السيارة
    نوف: بدرانت ليه ماتبغى تتزوج
    بدر: احس اني مو حق زواج
    نوف: ايش تقول بالعكس انت ماشاء الله عليك جمال ووظيفة وتقدرتفتح بيت
    بدر: الحمد لله ماقلت شيء بس لسه ماجاء الزواج في بالي
    نوف: تصدق يابدر نفسي انك تتزوج وحدة في بالي
    بدر: قصدك ساررة
    نوف انفجعت : ايش عرفك
    بدر: سهلة اتوقعت هي لانك مرة متعلقة فيها وتحبيها
    (في قلبه موأكثر من حبي لها)
    نوف: والله يابدر سارة بنت حبوبة مين يقدر مايحبها
    بدركان مسرح يفكر
    نوف: بدر بدر
    بدر: ها
    نوف: وين رحت
    بدر: معاكي
    نوف: ها ايش رأيك بسارة كزوجة
    بدر: سارة ماتنعاب بس انا مابغى اتزوج دحين
    نوف: براحتك بس صدقني ماراح تلاقي أحسن من سارة
    ......................... ....
    وصلت نوف بيت سارة وبعد ماسلمت على أم سارة راحت لغرفة سارة
    نوف: سارة افتحي الباب أنا نوف
    وشوية وتقوم سارة وتفتح الباب
    نوف: سارة حرام عليكي اللي تسويه في نفسك شوفي وجهك كيف صاير
    سارة: نوف الله يخليكي ماني ناقصة
    تدخل نوف الغرفة وتسكر الباب ومسكت سارة من يدها وجلستها على السرير
    نوف: سارة لا تعذبين نفسك اذا من نصيبك والله بتاخذيه
    سارة: كيف تبغيني ارتاح اصلا انا الغلطانة اني في يوم كذبت على نفسي ووعدتها باأشياء انا اللي اخترعتها بنيت ليه أحلام وأمال من خيالي كذبت على نفسي كذبة وصدقتها
    نوف: حبيبتي انتي ماغلطتي اذا حبيتي الحب مو غلط وانشاء الله ربي يعوضك خير انتي طيبة وربي ماحيسيبك بس انت الجأي له بالدعاء وانشاء الله بيفرجها عليك
    سارة: ونعم بالله بس خلاص انا مأبغى شيء من الدنيا ابغى أموت
    نوف تحضن سارة: لا حبيبتي لاتفاولين على نفسك حرام عليكي كفاية انا احبك وبضحي بالعالم كله عشانك وصدقيني انتي كثير يحبوكي أمس امي تقول لي كذا وحدة سألت عنك
    سارة وهي تبكي: انا ماهموني الناس انا اللي يهمني هو بدر
    نوف: ياقلبي لا تيأسين انشاء الله ربي بيساعدك شوفي انا كيف محكوم عليه اتزوج من واحد أكرهه وشوفيني كيف اضحك لكني من جوه أحس اني بموت بدل المرة الف
    سارة حضنت نوف وصاروا الثنتين يبكوا بكاء يقطع القلب

    بدر كان يفكر بكلام أخته عن سارة
    بدر: أأأأأأأه يانوف لوتدري انا قد ايش احب سارة عمري ما نسيتها طول غربتي وانا افكر فيها قلبي تعلق فيها من هي صغيرة كنت دايما لمن اشوفها احس بإحساس ثاني عمري ماحبيت احد مثل ماحبيتها حبيت برائتها ,, طفولتها,, حيائها,, ضحكتها كل شيء فيها بس هي اللي نسيتني طول السنين اللي فاتت ماسألت عني مافكرت في يوم انها تدق تطمن عليه ياليتها تحس بلي فيه أنا حاولت اني انساها لكن لمن شوفتها في بيتنا تجدد حبي لها لكنها ماسلمت عليه ولا اهتمت فيه ومالقيت قدامي الا اني أطنشها واسوي نفسي اني ناسيها يمكن مع الايام بتعود على هذا الحال
    ......................... .......
    نوف وسارة بعد لمن بكوا ارتاحوا شوية وطلعوا اللي في قلبهم من حزن وعذاب لبعض وبعد كذا صاروا يبتسموا ويذكروا الذكريات الحلوة وسارة ماقدرت تنسىاللي صار بس عشان نوف وسالفة زواجها من يوسف حبت سارة ماتزيد على نوف وتتظاهر انه خلاص مافيها شيء
    (كذا الاصحاب ولا بلاش مع بعض في السراء والضراء)
    سارة: اه يانوف لو تدرين قد ايش انا أحبك مااتصور حياتي من دونك
    نوف: حبيبتي موأكثر مني
    سارة: لا انا أكثر
    نوف: ههههههههههههه انا اكثر
    سارة: لالا تحاولي انا أكثر
    سمر: بسم الله ايش فيكي انتي وهي وجععععععع كل هذا حب اعطونا شوية
    سارة: وجععع قولي ماشاء الله
    سمر: ماشاء الله مرررررررة بعطيكم عين
    سارة : يمكن ليه لا
    سمر: أقول خلينا نخرج نتمشى والله طفشت
    نوف: والله فكرة ايش رأيك سارة
    سارة: هااا مدري
    سمر وهي تبوس سارة: حبيبتي سارة يلا خلينا نطلع والله طفش
    سارة: حببتي ماقلت شيء بس يمكن أمي ماترضى
    نوف: لا نروح نكلمها وبترضى خلينا نجرب محنا خسرانين شيء
    سارة: اوكي يلا
    وراحوا البنات وكلموا أم سارة وفرحت لمن شافت سارة تضحك ورضيت لهم كله عشان سارة تغير جو
    سمر: نوف اتصلي بنور خليها تجي معانا
    نوف: دحين ادق عليها تجي هي والسواق عشان يودينا

    ودقت نوف على نور وفرحت نور لانها تحب سارة وسمر واتفقوا انها تستأذن من امها وتجي مع السواق وراحوا سارة وسمر يلبسوا للخرجة
    ......................... .....................
    نور: أمي بروح بيت سارة
    ام بندر: وليه من اول مارحتي مع أختك
    نور: لا مو بجلس عندهم يعني بعد إذنك بروح أخذ نوف وسارة وسمر ونروح نتمشى
    أم بندر: وين يتروحون
    نور: لسه ماحددنا الله يخليك أمي خلينا نروح
    أم بندر: لا اخاف عليكم مافي روحة لوحدكم
    نور: أمي لاتكوني معقدة
    أم بندر: نور ماتستحين تقولي عن أمك كذا يعني لأني أخاف عليكم صرت معقدة
    نور: أمي ماأقصد والله بس ليه تخافي
    أم بندر: قلت لا خلاص اتصلي على أختك خليها تجي مافي خرجة
    قامت نور دقت على نوف
    نور: الوووو نوف
    نوف: نور وينك لسه ماجيتي
    نور: نوف امي ماهي راضية نخرج وتقولك يلا تعالي
    نوف: احلفي
    نور: والله العظيم
    نوف: ياربي عليها امي خلاص انا بجلس شويه وبعدين أجي
    نور: اوكي بااااااااااااااي
    نوف: بااااااااااي
    سارة: ايش في
    نوف: تقول امي ماهي راضية
    سارة: خسارة
    سمر: ايش رأيكم نخلي امي تكلمها
    نوف: والله فكرة
    ونادت سمر أمها وقالولها
    أم سارة: خلاص انا بكلمها
    ودقت أم سارة على أم بندر
    أم سارة: الووووووو السلام عليكم
    ام بندر: هلا وعليكم السلام
    ام سارة: كيف حالك أم بندر وكيف حال العيال
    أم بندر: والله كلنا بخير كيفكم انتوا
    أم سارة: الحمدله بخير اقول منى خلي البنات يخرجوا مع بعض حرام طفشانات
    أم بندر: والله ياأم سارة أخاف يتأخروا أبوهم مايرضى
    أسارة: حاولي منى وانشاء الله مايتاخروا
    أم بندر: رايك خلاص بس لا يتأخروا
    أم سارة: ولا يهمك بوصيهم انشاء الله
    أم بندر: خلاص دحين تجيكم نور
    أم سارة: الله يحيها يلا مع السلامة
    أم بندر: ياهلا مع السلامة
    أمسارة: خلاص رضيت
    سمر حضنت أمها وباستها: الله يخليكي لنا تستاهلي مية بوسة أممممممممممممممممممممواه
    ام سارة: ههههههههههههههه خلاص ذبحتيني
    نوف: تسلمي خالة
    ام سارة: الله يسلمك حبيبتي بس ماوصيكم لا تتأخروا ترى أمك بتزعل لو اتأخرتم
    نوف: لا انشاء الله مابنتأخر لا تخافي

    وجات نور واخذت البنات وراحوا
    نوف : ممتاز حط أغنية
    ممتاز: ايش يبغى أغنية ماما
    نوف: ماما في عينك ماتستحي
    سارة+ نور+سمر: ههههههههههههههههههههههههه هههههههههههههههههه
    نوف: وجععع ايش فيكم تضحكوا
    سمر: صراحة نوف لايقة عليكي ماما هههههههههههههههههههههههه
    نور: ممتاز حط أغنية هندية
    نوف: وجع هذا اللي ناقص
    نور: ايشبك انتي الأغاني الهندية حلوة
    ممتاز: صح نور
    نوف: ماشاء الله ايش معنى انا تقولي ماما لايكون خلفتك ونسيتك وبعدين انا ماكلمتك
    ممتاز: ايش فيك انت معصب روح اتمشى انبسط
    نوف: لا ايش رأيك تجي معانا
    سارة: نوف خلاص ايش فيكي على الرجال
    نوف: اوف خلاص أقول ممتاز حط شريط راشد
    ممتاز: أوكي ههههههههههههههههههههههههه ه
    نوف: وجع مين زين الضحكة

    وصلوا البنات السوق وداروا مع بعض واشتروا اللي يبغونه
    وبعدين جلسوا ياكلوا ايس كريم
    ونوف شافت واحد من بعيد مشبهه عليه

    سامي: صح وليد سمعت انك ببتزوج
    وليد: ايه صح بتزوج ياخي خلاص شغل واشتغلنا خلينا نتزوج وننبسط
    محمد: الزواج فيه بسطة والله بلشة حرمة تربطك فيها فين رايح ومن وين جاي
    وليد: مصيرنا بنتزوج اجل بتجلس عزابي طول عمرك
    محمد: خليني كذا مرتاح روح شوف علي حالته حالة
    سامي: أخونا شكله متعقد مرة
    وليد: سيبك منه مصيره بيتزوج قولي انت متى النية
    سامي: والله لسه ماني ناوي دحين اتزوج
    وليد: افا ليه
    محمد: أحسن لك
    فهد: ياخي ايش عليك في الرجال خليه يشوف حياته
    سامي: لا بس كذا انا ماني رافض الزواج بس كل شيء بوقته حلو
    فهد: خلاص خلوا وليد يتزوج وذيك الساعة يقولنا كيف الزواج

    نوف قاعدة تفكر فين شافته
    سارة: نوف نوووووووووف
    نوف: هااااا
    نور: اللي مأخذ عقلك
    نوف: تصدقوا بنات الرجال اللي هناك مو غريب عليه
    سارة: أي رجال
    وصاروا كلهم يطالعوا مكان ما تطالع نوف
    نوف: هييييه انتي وهي لا تطلوا لا يشوفكم
    نوف: ااااه تذكرت مين هو
    كلهم : مين
    نوف: الولد اللي صدمت فيه في حراء <<<<<< ( اكيد عرفتوه سامي)
    سارة: والله
    نور: اه تذكرته بس ماشاء الله عليه حلو وشياكة
    سمر: ايش الهرجة ماأعرفها مالي قولولي
    وحكت نوف سمر الحكاية
    سمر: الله رووووووووووووووعة
    سارة: ايش هو اللي روووووووووووووعة ( وتقلد سمر)
    سمر: هه لا بس حلو كذا ياليت اصدم في احد وتطيح غطوتي من جد جنان
    سارة: سمر وجعع ايش هذا الكلام ياويلك لو تسمعك امي
    سمر: سارة خليكي فرررري بعدين أمي مو معانا وما حتعرف بالهرجة الا اذا أحد قالها
    سارة: طيب انا بقولها
    سمر خافت: سارة من جدك انتي الله يخليكي لا تقولي لها
    نور: ههههههههههههههههههههههههه ه خوافة
    سمر: ياحبيبتي عند امي مافي ياامي ارحميني
    ونوف ماهي معاهم تفكر في سامي والموقف اللي صار بينهم
    سارة: نوف ايش فيكي ساكتة
    نوف: ..............
    نور: لا البنت ماهي معانا نووووووووووووووووف
    نوف: وجععع ايش فيكي تصارخين مااسمع يعني
    سارة: من اليوم ننادي منتي معانا وين رحتي
    نوف: معاكم بس سرحت شوية
    سمر: اها في مين
    نور: أكييييييييد في الجمال اللي قاعد هناك
    نوف: نور اسكتي ياهبلة ايش عرفك انتي
    سمر: طيب قوليلنا انتي
    نوف: ولا شيء ياربي على اللقافة يلا غيروا الهرجة
    وصاروا البنات يسولفون ويضحكون وانبسطوا مرررررة
    وهنا دق جوال نور ولمن شافت انه بدر المتصل حطك السبيكر
    نور: هلا بدر
    نوف على طول طلت في سارة اللي سرحت لمن سمعت نور
    نوف في قلبها: وقته هذا كمان الهبلة هذي حاطة سبيكر انا ماصدقت تنسى شوية الله يهد شيطانك يانور
    بدر: هلا والله وينكم
    نور: احنا في السوق انا ونوف وسمر وسارة
    نوف على طول مسكت يد سارة اللي صارت مرتبكة
    بدر: والله رايحين لوحدكم ماشاء الله
    نور: بدر ايشبك مافيها شء واحنا استأذنا من أمي
    بدر: طيب لاتتأخروا وراكي مدرسة
    نور: اوف لازم تجيب سيرتها وتنكد عليه
    بدر: ههههههههههههههههههههههههه هه مردك لها ياحلوة يلا بااااااااااااااااي وسلميني على سارة وسمر
    سمر: الله يسلمك بدر
    بدر: مين معايا
    نور: هذي سمر انا حاطة سبيكر
    بدر: اهلين سمر كيفك
    سمر: انا بخير كيفك انت
    بدر: تمام ها كبرتي ولا لسه صغيرة
    نور: ههههههههههههههههههه لو تشوفها ماتدخل من الباب
    سمر: هييييييه بايخة الحمد لله انا رشيقة
    نور: هههههههه روحي يادبببببببببة
    بدر: هههههههههههه الله يرجكم وين نوف وسارة ايش فيهم ساكتين
    نور: مدري ايش فيهم فجأة برطموا
    نوف: أقول اسكتي تافهة
    بدر: افا نوف ايش فيكي زعلانة
    نوف: لا ولا شيء
    بدر: كيفك سارة
    سارة انفجعت وماهي عارفة ترد وزاد ارتباكها
    سمر تدق سارة: ردي عليه سلمي لا تنحي
    سارة بدون نفس: بخيررررر
    (من تصرف سارة كان في 3 ردود أفعال
    نبدأ بنوف اللي فرحت من تصرف سارة
    ونروح لسمر اللي انصدمت من رد سارة لانها في بالها انو سارة تموت في بدر وغريبة ترد عليه كذا من دون نفس
    وأخيرا بدر اللي انقهر من سارة حتى ماسألته كيف حاله هو)
    بدر: يلا اسيبكم بس لاتتأخروا باااااااااااااااااي
    نور سمر: بااااااااااااااااااي
    بعد ماقفلت نور
    نور: هييه ايش فيكي انتي وهي فجأة ارتبكتوا
    سمر: انا اعرف ليه ياحبيبتي
    نور: دببببة طيب قولي
    سمر: اول شيء احترمي نفسك بعدين أقولك
    نوف: بس انتي وهي أزعجتونا
    سارة اللي انقهرت من بدر ايش معنى سمر يدردش معاها وانا بس كيف حالك : خلاص يلا نروح اتاخرنا
    نور وسمر : بدري
    ههههههههههههههههههههههههه هههههه
    نوف: وجع افكارهم وحدة
    سارة: بدري من عمركم نسيتي امك
    نور: اوف يلا خلاص بس لازم نعيدها
    سمر: ايوه لازم
    نوف: انشاء الله
    وقاموا البنات ومشيوا ونوف عيونها على سامي والبنات يضحكوا عليها
    نوف: ايش فيكم انتوا
    نور: ارحمي الرجال اكلتيه
    نوف: مرررررة اقول اسكتي وجععع
    وضحكوا البنات على نوف
    وشويه ويقوم سامي وكان معاه بيبسي ولمن قام كانوا البنات مارين من عندهم وصدم سامي بنوف وانكب البيبسي عليها
    0000000000000000000000000 000000
    ياترى ايش موقف نوف وسامي من اللي صار ؟؟؟؟؟؟؟
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    رد: قصه من بين كل الناس حبيتك

    مُساهمة من طرف حلا السعوديه في الثلاثاء يوليو 29, 2008 4:23 pm

    &&& الجزء التاسع &&&
    وشويه ويقوم سامي وكان معاه بيبسي ولمن قام كانوا البنات مارين من عندهم وصدم سامي بنوف وانكب البيبسي عليها
    نوف: لاااااااااااااااااااااااا اااااا
    سامي: اسف والله ماشفتك
    نوف: ياربي ماتشوف انت أعمى وجعععععع انشاء الله ويقول اسف عاد
    سامي: والله ماأقصد >>>> في قلبه : ايش حظي في يومين تحصل هاالأشياء
    نوف: عليه يعني تقصد ولا ماتقصد ايش بستفيد من أسفك وسختني وخلاص
    بعدين طالعت نوف في وجه سامي وانصدمت
    نوف في قلبها: ياربي انا ايش سويت والله ماعرفته المفروض مااقوله كذا
    سامي بعصبية: اسف وتأسفت لكي ايش تبي اسويلك
    نوف خافت منه: لا عادي حصل خير انا عارفة انك ماتقصد وأسفة لو غلطت عليك
    سامي: لا عادي
    وراحوا البنات وهم يضحكون على نوف
    وكمان اصحاب سامي يضحكوا على سامي وشكله اللي كان مررة مرتبك وبنفس الوقت معصب
    وليد: ههههههههههههه سامي ايش فيك
    محمد: تلاقيه يفكر في القمر
    سامي: أي قمر واي خرابيط والله انك فايق
    وليد: حبيبي ريلاكس تحصل في اكبر العائلات
    سامي: والله انكم فاضيين يلا باااااااااي
    وليد: تعال ايش فيك زعلت
    محمد: ولا بتلحق القمر
    فهد: سيبوه في حاله
    سامي طنشهم وراح عنهم وهو طالع شاف نوف واللي معاها طالعين السيارة

    نوف: ياويلي ايش قصتي مع هذا الرجال بس اصدم فيه
    سمر: صراحة جنان
    سارة: هيييه انتي ايش هو الجنان
    سمر: الموقف روعة
    نوف: والله انكم فايقة عبايتي كلها بيبسي وتقول جنان
    سارة: ماعليكي منها عقلها ناقص
    سمر: ياهبلة انتي وهي في أحد يصحلها تتصدم في واحد حلو ومرتين بعد والله لو انا كان تلاقيني طايرة في الجو
    سارة: حشى عصفور مو بإنسان
    نور: هههههههههههه ولا اختنا اول شيء سبسبته بعدين قاعدة تتأسف له والله لو انه ممتاز كان علقته مع رأسه
    سمر: هههههههههه حلوووووووووة يدك
    ومدت نور يدها وضربتها بيد سمر
    نوف: هههههههه بايخة بعدين مايخصك انتي وهي هذا كلام كبار
    نور: عشتوا يالكبار انتوا
    سمر: الا قولي عجايز
    سارة: عجايز بعينك ماتستحين
    نوف: بس تتوقعون هو عرفني
    سارة: ماأعتقد عرفكي
    نور: والله الرجال محد يدري ايش اللي براسهم
    نوف: يويويو لو عرفني من جد فشلة
    سمر: لا فشلة ولا شيء هو يقربلك يعني ولا يعرفك
    نوف: ايوه صح بس عسى مايظن اني بالعنية مريت من عنده
    سمر: لاا عادي احنا مرينا لانه قصدنا بنطلع من السوق مو نتجول
    نور: نوف ايش تسوي لو اللي صارلكي كان مع يوسف
    نوف: لو هو بأخذ منه البيبسي وأكبه على راسه
    سمر: وي كل هذا كره
    نور: الله يعينك يايوسف بتتبلي بلوة ماكانت على البال ولا الخاطر
    نوف: ايش البلوة
    نور: انتي في غيرك
    نوف تضرب أختها مع راسها: انا بلوة ياحمارة والله له الشرف يتزوج وحدة مثلي
    سارة: ايوه والله
    نوف: على سيرته ترى الاسبوع الجاي بيجي يشوفني
    سارة: والله خلاص وافقتي
    نوف: هو ابويه اعطاني فرصة اوافق ولا لا خلاص ياحبيبتي انكتب عليا العذاب
    سارة: لاتقولي كذا الله بيساعدك انشاء الله
    سمر : شكلهم ابوكي وعمك متفقين يزوجون عيالهم لبعض
    نور: انا بالنسبة لي مايهمني
    سمر: ليه ماعنده غير يوسف ولد
    نوف: لا في ماجد ومازن
    سارة: طيب هم كبار
    نور: ماجد كبير عمره 23 أما مازن صغير
    سارة: أجل أكيد بيكون ماجد لكي ياحلوة
    نور: مايهمني لانه ماجد حبوب وحليوة
    سمر: قولي كذا شكلها أختنا طايحة لشوشتها في الحب
    نور: وايش فيها ولد عمي وانا اولى به
    نوف: هييييه فين احنا دشين سوق وتقلد نور ولد عمي وانا أولى به
    سارة: ايش فيها طيب لو كان كويس مافيها شيء
    نوف: اانا ماطيقهم كلكم
    سمر: الله يصبرك يانوف هههههههههههههههههههههه
    نور: قولي الله يصبر يوسف عليها
    نوف: هييييه انتي ايش فيكي عليه وجع ولا كأني اختها
    نور: طيب انتي ليه تحكمي على الرجال يمكن يكون طيب
    نوف: انتي لاتدخلي أنا اعرف يوسف كويس
    سارة: الله يعينك حبيبتي
    نوف: اميييييييييين يارب ويفكني منه
    وتموا البنات سوالف وضحك الين وصلوا البنات سارة وسمر بيتهم وبعدين راحوا بيتهم
    ......................... .................
    سامي قاعد يفكر باللي صار مو مصدق في يومين يصير له كذا ( بس توقع سارة في محله لانو سامي ماعرف نوف)
    خلود: سام سااااااااااامي
    سامي: هاا
    خلود: أعترف بسرعة مين اللي تفكر فيها
    سامي: وغذغ مابقول ايش بتسوي وريني يلا
    خلود: هههههههه مابسوي شيء
    سامي: تصدقي خلود اليوم صار لي شيء
    خلود جلست عند سامي: ها ايش صار
    سامي: ياحبكم يالحريم للهرج عناد ماني قايل قومي فارقي
    خلود: سام حبيبي قول يلا
    وحكى سامي خلود عن كل اللي صار له
    خلود: يامسكين
    سامي: اقول فارقي دحين هذا اللي عندك مسكين
    خلود: انتي ليش مكبر السالفة انت ماتعرفها ولاشيء
    سامي: بس مره كنت مرتبك لمن انكب عليها البيبسي وانحرجت قدام اصحابي
    خلود: سامي والله عادي تصير كثير
    سامي: على قولتك الا فين عهود
    خلود: تكلم صحبتها كله حش في صحباتهم
    سامي: وانتي اخس منها
    خلود: سام حبيبي ايش فيك عليه إحمد ربك خلود بكبرها قاعدة معاك
    سامي: ههههههههههههههههه مو نصها
    خلود:أقول فارق الشرهة عليه خليني اروح عند أمي
    سامي: احسن فكيني منك دبببببببببببة
    خلود: انت الدب غوريلالالالا
    سامي: اختاري واحد فيهم يادب ياغريلا
    خلود: الأثنين لا يقين عليك ههههههههههههههههههههههههه
    وراحت خلود عن سامي ورجع سامي يفكر باللي صار له
    ......................... ......................... ...

    في الجامعة
    سارة: تصدقي نوف خلاص طفشت من الدراسة
    نوف: خلاص مابقي شيء المستوى هذا والجاي ونخلص
    سارة: انشاء الله بس من لنا شهر بدينا دراسة بس احسها ثقيلة
    نوف: لا بالعكس الايام تمر بسرعة
    سارة:يمكن
    نوف حست بسارة
    نوف: سارة تصدقي عجبتيني أمس لمن رديتي على بدر بدون نفس
    سارة: انا ماكنت برد بس لمن دقتني سمر ارتبكت ورديت بس غريبة عليه خلاص تذكرني
    نوف: سارة مدري ليه عندي احساس انه بدر متذكرك بس هو سوي نفسه ناسيكي
    سارة: ايش عرفك
    نوف: مدري بس يوم شافك لمن خرجتي من غرفتي جاني وقالي من هذه بس حسيت انه يستعبط وانه عارفكي حتى لمن قولتله هذي سارة بنت جيراننا قال حلوة من صغرها وحتى دحين حلوة
    انبسطت سارة من مدح بدر
    نوف: عاد مسوي نفسه ناسي والله انه كذاب انا نوف وماتمر عليه هاالاشياء
    سارة: طيب ليه هو يسوي كذا
    نوف: هذا اللي نفسي اعرفه وانشاء الله بعرفه طيب يابدر مااكون نوف اذا ماعرفت ايش عندك
    وجاتهم صحبتهم ريم
    ريم: اعترفي انت وهي تحشون في مين
    نوف: ههههه فيكي طبعا نقول ريم هبلة ودببة ونكدية ودمها ثقيل
    ريم: ههههههههههه بايخة الحمدلله اعرف قدر نفسي
    سارة: رورو حبيبتي والله تمزح
    نوف: بقعة تدليعيها كمان
    ريم حضنت سارة: حبيبتي سوسو أمممممممممممممواه
    ريم: باركولي انخطبت
    سارة: والله مبروك
    ريم: الله يبارك فيكي عقبالكم
    سارة: في وجودك حبيبتي
    نوف: الله يعينه شكله امه داعية عليه
    ريم بدلع: الا قولي امه داعيه له
    سارة: نوف ايش فيكي انتي
    ريم: سارة علميها الأدب صحبة على الفاضي
    نوف: انا ياحبيبتي متأدبة وخلاص لا تزعلي مبروك منك المال ومنه العيال ههههههههههههههههههههههههه ههههههههههههههههه
    سارة: ههههههههههههههههههههههههه ههههههههههههههه
    ريم: والله انكم ماتستحون قاعدين تتريقون خليني أقوم أحسن لي
    نوف: هييييه انتي زعلتي ترى أمزح خلاص مبروك يتربى في عزك ههههههههههههههههههههههههه هههههههههههههههههههه
    ريم شدت شعر نوف : نوفو أحسنلك اسكتي لاخلي شعرك كشة
    نوف: أي أي أي سيبي شعري والله أمزح مبروك والله يسعدك
    ريم تركت شعر نوف: ايوه كذا تسنعي
    سارة: ههههههههههههههههههههههههه هههههههه والله انكم نكت
    و طلت بساعتها : نوف اتأخرنا بقي 3 دقايق على المحاضرة قومي بسرعة
    نوف: يو القاعة بعيدة اكيد بتطردنا الدكتورة
    ريم: ههههههه خليكي من تريقتكي فيه
    سارة: يلا نوف باااااااي ريم
    نوف: بااااااااااااي ريم ولاتزعلي
    ريم: لاعادي ماأزعل من حبايبي ويلا باااااااااااااي
    وقاموا نوف وسارة وراحوا المحاضرة وهم يجروا حتى يلحقوا عليها
    ......................... ......................... .

    مر الاسبوع وماصار على سالفة سارة وبدر شيء
    بس اليوم الخميس شوفة نوف
    أم بندر: نوف ايش فيكي قومي اتجهزي مابقي شيء ويوسف يجي
    نوف: اوف والله امي ماني طايقته كيف أجلس معاه حرام عليكم
    أم بندر: اسكتي لايسمعك أبوكي والله لايطين عيشتك
    نوف: كل من ابويه ماراح أسامحه طول عمري
    أم بندر: خلاص اتعوذي من الشيطان وقومي البسي
    وراحت ام بندر وصارت نوف تبكي وبعد مارتاحت شوية قامت غسلت وجهها ولبست لبس عادي وماحطت في وجهها ولاشيء
    نوف: يمكن لمن يشوفني كذا يبطل

    بدر: نوف ايش فيكي
    نوف: خلاص بتزوج يوسف
    بدر: من قال
    نوف:بدر ماني ناقصتك يوسف بيجي دحين وحضرتك تقولي من قال
    بدر: انا عارف انه يوسف بيجي بس انشاء الله ماراح يتزوجك
    نوف: خلاص ماينفع شيء دحين
    بدر: نوف سيبي كل شيء عليه وبتشوفي
    راحت نوف وحضنت بدر: الله لايحرمني منك
    بدر: اميييييييين
    ......................... .......
    جاء يوسف لوحده ودخل أبو بندر يستعجل نوف عشان تدخل عند يوسف
    أبو بندر: نوف يانوف
    نوف جات عند أبوها
    نوف: نعم
    أبوبندر طالع بنوف : ايش فيكي كذا مبوزة اضحكي
    ابتسمت نوف لابوها: هااا يعجبك كذا
    أبو بندر: بلا هرج زايد ويلا ادخلي وياويلك لو قلتي شيء مو زين
    نوف: حاضر
    ودخلت نوف مع أبوها ويوسف على طول قام لمن شاف نوف
    أبوبندر دق نوف عشان تسلم على يوسف
    نوف وبدون نفس وشوية وتبكي: السلام عليكم
    يوسف: وعليكم السلام
    ابو بندر: اسيبكم لوحدكم عن اذنك يوسف
    يوسف: تفضل عمي
    نوف: بس وسكتت لمن شافت ابوها فتح لها عينه
    وجلست نوف وجاء يوسف جلس قريب منها
    نوف في قلبها: وجعع انشاء الله أكرهك اكرهك
    يوسف: كيف حالك نوف
    نوف: بخيييير
    يوسف: ماشاء الله عليكي كبرتي اذكرك وانتي صغيرة
    نوف انقرت منه: أجل تبغاني افضل صغيرة أكيد بكبر
    يوسف انحرج من كلام نوف: لامو قصدي بس انتي ايش فيكي معصبة
    نوف: ماني معصبة ولا شيء
    يوسف في قلبه: مني طايقتني طيب يانوف صادقة مي لمن قالت عنك مغرورة بس فوق كذا ماشاء الله عليها حلوة
    يوسف: اقول نوف متى تبغين موعد الزواج
    نوففي قلبها: لو بيدي ماوافقت على الزواج منك
    نوف: يعني لو بقولك بتوافق
    يوسف: طبعا
    نوف: الله يخليك يوسف خليه بعد مااتخرج
    يوسف: كم باقيلك على التخرج
    نوف: سنة
    يوسف: أوكي يعني على الإجازة الجاية
    نوف: أيوه
    يوسف: خلاص تامرين الله يصبرني
    نوف ابتسمت: شكرا
    وهنا دخل أبوبندر وبدر واشر بدر لنوف عشان تقوم
    نوف: مع السلامة
    يوسف: مع السلامة
    وخرجت نوف وهي دمعتها شوي وتفر من عينها
    أبوبندر: ها يوسف متى تبغي الزواج
    يوسف: اتفقت مع نوف انه يكون بعد ماتتخرج
    أبو بندر: خلاص تم
    بدر في قلبه: يلا عندي وقت انشاء الله أقدرأغير رأي أبويه
    وجلس يوسف عندهم ساعة بعدين راح

    نوف دقت على سارة وحكتها اللي صار
    سارة: ماشاء الله عليكي قوية
    نوف: والله مدري كيف جاتني الجرأة يلا محد يدري في السنة هذي ايش بيصير
    سارة: على قولنك
    نوف: بس الحمد لله بدر قاال بيساعدني
    سارة ارتبكت : انشاء الله
    سارة : طيب نوف أكلمك شوية امي تناديني
    نوف: اوكي بااااااااااااااي
    سارة: باااااااااااااااي
    ......................... .........
    خلود كانت ماسكة جوالها وتشوف المسجات وبعدين تذكرت نوف
    خلود: خليني أدق أتعرف عليها وأطمن ايش صار فيها
    خلود: الوو السلام عليكم
    نور: وعليكم السلام
    خلود: كيفك نوف
    نور: انتي تبغي نوف
    خلود: أيوه هذا مو جوال نوف
    نور: لا بس انا اختها نور
    خلود: اها كيفك نور
    نور: تمام
    خلود: طيب ممكن أكلم نوف
    نور: لحظة اناديها
    وراحت نور عند نوف
    نور: نوف وحدة اسمها خلود تبغاكي
    نوف: خلود غريبة ايش عرفها بجوالك
    نور: مين خلود
    نوف: يمكن خلود صحبتي هاتي خليني اشوف
    (نوف عندها زميلة اسمها خلود كانت معاها في سنة اولى بالجامعة بس هي تخصصها غير عن نوف وصارت علاقتها معاها مو ذيك المرة)
    نوف: الوووووووووو
    خلود: الوووووووووووو السلام عليكم
    نوف: هلا وعليكم السلام وينك يالقاطعة ماتكلميني
    خلود: نوف انا خلود
    نوف: والله عارفة انك خلود بس انتي ايش عرفكي بجوال نور
    خلود: انتي دقيتي من جوالي على جوال نور لمن كنا في السوق
    نوف في قلبها سوق جنت هذي متى رحت معاها السوق ليكون غلطانة وانا قاعدة اتفلسف عليها
    نوف: انتي مو خلود ال .....
    خلود: لا انا خلود ال........
    نوف: سوري حسبتك خلود صحبتي لكن انتي تبغي مين
    خلود: نوف اسمعيني انا خلود اللي في السوق لمن تصادمتي انتي وأخويه
    نوف: ااااه اسفة خلود
    خلود: لا عادي بالعكس انا اللي اسفة بس انتي دقيتي من جوالي وانا خزنت رقم اختك عندي
    نوف: لا عادي بس كيف عرفتي اسمي
    خلود: سمعتك لمن قولتي لاختك انا نوف
    نوف: اها
    خلود: كيفك دحين نوف بعد الصقعة
    نوف حبت تمزح: تصدقي خلود انفي تورم
    خلود: والله ياحياتي والله احنا اسفين
    نوف: ههههههههههههههههه أمزح حبيبتي ترى انا مزاحة
    خلود: ههههههههه الله يرجك والله خوفتيني
    نوف: لا عادي ماصار فيه شيء
    خلود: الحمد لله
    نوف: تدرسي خلود
    خلود: ايوه انا اخر سنة في الكلية
    نوف: ماشاءالله يحظك اخر سنة
    خلود: ليه انتي في أي سنة
    نوف: انا برضو في اخر سنة في الجامعة ههههههههههههه
    خلود: والله انتي يانوف نكتة نفسي اتعرف عليكي اكثر
    نوف: نفس الشعور والله الا اقول كيف أخواتك
    خلود: طيبين
    وظلوا نوف وخلود سوالف مع بعض واتعرفوا أكثر على بعض
    خلود: يلا نوف طولت عليكي نشوفك على خير
    نوف: انشاء الله
    خلود: باااااااااي
    نوف: باااااااااااي
    ......................... ..........

    كانت عيلة أبو سامي متجمعين
    خلود: اليوم كلمت نوف
    ام سامي: مين نوف
    خلود: صحبتي
    سامي: طيب ايش فيها فرحانة بصحبتكي يعني
    عهود: ماقيد سمعت بيها جديدة هذه
    خلود: ياجماعة الخير نوف هذه اللي صدم فيها سامي في السوق
    سامي: احلفي
    خلود: والله العظيم كلمتها واتعرفت عليها
    ام سامي: كيف عرفتي رقمها
    وحكت خلود أمها كيف حصلت على رقم نوف وبعدين قالتلهم تفاصيل المكالمة
    ام سامي: مبين عليها حليلة
    خلود: مررة طيبة من جد ارتحتلها
    عهود: عند اخوات
    خلود: عندها اخت وحدة
    عهود: كبيرة ولا صغيرة
    خلود: يمكن قدك
    عهود: الله خلينا نزورهم ونتعرف عليهم
    خلود: أي والله من جد شكلهم طيبين
    أم سامي: هي معاكي في الكلية
    خلود: لا هي تدرس في الجامعة بس زي أخر سنة
    عهود: لو معاكي كان اتعرفتي عليها اكثر
    خلود: صح والله ياليتها كانت معايا
    سامي كان مسرح يفكر بنوف وكيف انها شغلت تفكيره
    أم سامي: سامي حبيبي ايش فيك
    سامي: ها ولا شيء وهنا دق جوال سامي
    سامي: هلا فهد وراح سامي عنهم
    خلود من يوم سمعت اسم فهد سرحت وقاعدة تفكر فيه
    (خلود مثل سارة تحب فهد صاحب اخوها سامي بس محد يعرف انها تحب فهد وهي لها سبع سنوات وهي تحبه لكنها طول هذي السنوات ماقدرت تبين لأحد )
    أم سامي: خلود وين رحتي
    خلود: ها لا معاكم
    أم سامي: صح نسيت اقولكم بتزورنا أم محمد صاحب سامي
    خلود في قلبها ياليت تزورنا أم فهد
    عهود: وبتجيب بناتها معاها
    ام سامي: اكيد بيجون معاها
    ......................... ..................
    في بيت ابو يوسف
    مي: يوسف ايش رايك بنوف
    يوسف: الصراحة هي حلوة
    مي: مو مرة حلوة كمان هي مرة مغرورة
    ام يوسف: مي ايش هذا الكلام ايش فيكي على نوف
    مي: مااحبها شايفة نفسها
    يوسف: غيرة ياربي
    مي: ايه أغار من نوف من زينها عاد
    يوسف: نوف هذي بتصير زوجتي لاتتكلمي كذا عليها
    مي: يوسف بسألك انت تحب نوف
    يوسف: عادي ماأحبها ولا اكرها
    مي: طيب ليه بتتزوجها
    أم يوسف: وانتي ايش عليك انتي اللي بتتزوجيها
    مي: لا بس بتعيش معانا وان مااطيق اشوفها كل يوم
    يوسف: سيبيكي من هذا الكلام ودق جوال يوسف وعلى طول قام وراح عنهم
    يوسف: هلا حبيبتي
    عبير: كيفك يوسف
    يوسف: بخير مادامي اسمع هالصوت
    عبير بدلع: تسلم حبيبي ها بتجي اليوم
    يوسف: اكيد والشلة بيجوا
    عبير: الكل بيكون موجود لاتتاخر
    يوسف: أوكي بس جهزوا القعدة
    عبير: كل شيء مجهز
    يوسف: اوكي بااااااااااااي عبير
    عبير: باااااااااااااي حبي
    مي لحقت يوسف بتشوف يكلم مين وسمعت كل المكالمة
    مي: مين عبير هذي؟؟ وقعدة ايه اللي تجهزها ليكون يوسف متجوز واحنا ماندري ؟؟؟ يايت يكون متجوز عشان تنقهر نوفو بس هو يقول شلة يالله بموت واعرف بعدين انتبهت مي انو يوسف خلص المكالمة وعلى طول بعدت راحت لغرفتها وهي متشمتة بنوف
    ......................... ......................... ..................
    avatar
    حلا السعوديه
    !!..الآدآره..!!
    !!..الآدآره..!!

    عدد الرسائل : 1209
    الموقع : في عيون غاليها
      :
    دولتي :
    مزاجي :
    المهنه :
    هوايتي :
    الاوسمه :
    تاريخ التسجيل : 24/07/2008

    رد: قصه من بين كل الناس حبيتك

    مُساهمة من طرف حلا السعوديه في الثلاثاء يوليو 29, 2008 4:23 pm

    يالله اذا شفت تفاعلاتكم معي ردودكم بكمل القصه
    avatar
    فراشة الربيع
    مشرفة قسم الكرة..
    مشرفة قسم الكرة..

    عدد الرسائل : 530
      :
    مزاجي :
    المهنه :
    هوايتي :
    تاريخ التسجيل : 28/07/2008

    رد: قصه من بين كل الناس حبيتك

    مُساهمة من طرف فراشة الربيع في الثلاثاء يوليو 29, 2008 5:36 pm

    واو القصه تجنن وانا متشوقه لتكميل القصه ياالله عاد كمليها يا قمر
    avatar
    هلالي حتى الموت

    !!..مــرآقب عـآم..!!


    !!..مــرآقب عـآم..!!

    عدد الرسائل : 2215
    الموقع : http://ajh777.yoo7.com/index.htm
      :
    المهنه :
    هوايتي :
    تاريخ التسجيل : 30/07/2008

    رد: قصه من بين كل الناس حبيتك

    مُساهمة من طرف هلالي حتى الموت في الأربعاء يوليو 30, 2008 10:11 pm

    مشكورررررررررررره

    خيتو

    ع القصه الروعه

    الله يعطيك العافيه

    قمر اليل
    !!..حــلا VIP..!!
    !!..حــلا VIP..!!

    عدد الرسائل : 685
      :
    المهنه :
    هوايتي :
    تاريخ التسجيل : 11/08/2008

    رد: قصه من بين كل الناس حبيتك

    مُساهمة من طرف قمر اليل في السبت أغسطس 16, 2008 10:40 pm

    مشكورررررررررررررررررررررررررررررررررررررررررررررررررررررررررررررررررررررررررررررررررررررررررررره





    وانشاءالله بتوفيق.............

      الوقت/التاريخ الآن هو الأربعاء نوفمبر 22, 2017 8:50 pm